АБНА24 Хәбәр Верир, Иран Ислам Шурасы Мәҹлисинин Гум шәһәриндән олан депутаты Әһмәд Әмирабади Фәраһани дүнән (9 јанвар) гонаг олдуғу телевизија програмында Мәҹлисдә чыхарылан санксијаларла стратежи мүбаризә гануну илә әлагәдар ачыглама вериб: "Ирана гаршы санксијалар, хүсусилә малијјә, банк вә нефт саһәсиндәки мәһдудијјәтләр 21 феврал тарихинә гәдәр ҝөтүрүлмәсә, МАГАТЕ мүфәттишләрини өлкәдән мүтләг чыхараҹағыг. Бу тарихә гәдәр санксијалар ҝөтүрүлмәсә, Иран көнүллү олараг имзаладығы Нүвә Силаһларынын Јајылмамасы Мүгавиләсинин (НПТ) әлавә протоколунун тәтбигини дајандыраҹаг. Бу, Иран Парламентинин ганунудур вә һөкумәт ону тәтбиг етмәјә мәҹбурдур. Америкалылара бир ај вахт вердик вә АБШ-ын јени һөкумәти 21 јанварда гурулаҹаг. Санксијаларын ләғви үчүн 21 феврала гәдәр тәдбир ҝөрмәлидирләр, әкс тәгдирдә Иран Ислам Республикасы халгын хејринә ајаға галхаҹаг". Әмирабади нүвә анлашмасынын баш вермәјән әсас мәгсәдинин, санксијалары ләғв етмәк олдуғуна ишарә едәрәк, дејиб: "Санксијалар ләғв едилмәсә, өһдәликләримизи јеринә јетирмәк үчүн һеч бир сәбәб ҝөрмүрүк".
342/
