АБНА24 Хәбәр Верир, Ҝенерал-лејтенант пасдар Шәһид Гасим Сүлејмани, Әбу Мәһди Әлмуһәндис вә онларын силаһдашларынын шәһид олмасынын биринҹи илдөнүмү, 1 јанвар ҹүмә ҝүнү сәһәр Иранын мәһкәмә һакимијјәтинин сәдри Ебраһим Рәиси, Ислам Ингилабы Кешикчиләри Корпусу СЕПСҺ-ын баш команданы ҝенерал-мајор Һүсејн Сәлами, Ислам Ингилабы Кешикчиләри Корпусу- Сепаһ-ын Гүдс гүввәләринин команданы- бригада ҝенералы пасдар Есмаил Гаани вә бир груп һәрби вә милли мәмурун вә шәһид аиләләринин иштиракы илә Теһран Университетиндә кечирилиб. Ирагда Әлһәшдушшәби тәшкилатынын рәиси Фалиһ Әлгијаз да ҝенерал Солејманинин шәһадәтиндән сонра бу өлкәдәки мүгавимәт меһвәриндә ҹанламанын баш вермәсинә ишарә едәрәк, вурғулајыб: Ираг халгы бүтүн мәсәләләрдә иштиракын дүзҝүн јолуну тапа билибдир ки, онларын ән мүһүмү, Фәләстин мәсәләсидир. Фәләстин Ислами Ҹиһад Һәрәкатынын баш катиби Зијад Әлнәхалә дә мүгавимәт сәркәрдәләринин шәһадәтинин биринҹи илдөнүмү мәрасиминдә Гәззә золағынын буҝүнкү гүдрәтини ҝенерал Солејманинин сәјләринин нәтиҹәси адландырыб вә белә сөјләјиб: "Ҝенерал Солејманини шәһид етдиләр, зира о, реҝионда Американын вә сионист режимин јолунда бир манеә иди вә даима Гүдсү вә Фәләстини мүдафиә едәрди". Ливанын Һизбуллаһ Һәрәкатынын Иҹра Шурасынын сәдри Һашим Сәфијәддин дә билдирибдир ки, шәһид Солејманинин ганы һәлә мүгавимәт меһвәринин дамарларында гајнамагдадыр. О, дејиб: "Биз әмәл әһлијик вә мүтләг бир шәр олан Америкадан интигам алаҹағыг". Јәмәнин Теһрандакы сәфири Ибраһим Муһәммәд Әлдијләми дә бу мәрасимдә белә гејд едиб: "Шәһид Солејмани реҝионда Американын вә сионист режимин планлары гаршысында мүгавимәт ҹәбһәсинин меһвәри вә сүтүнү иди". Суријанын баш мүфтиси Шејх Әһмәд Бәдрәддин Һәссун да билдириб ки, һеч бир амил шәһид Солејманини вә онун силаһдашларыны ҹиһад јолунда мәһдудлашдырмырды. О, сөјләјиб: "Шәһидләр Солејмани вә Әлмуһәндис мүгавимәт јолуну тәјин етдиләр". Хатырладаг ки, Ислам Ингилабы Кешикчиләри Корпусунун Гүдс гүввәләринин команданы ҝенерал-лејтенант пасдар Шәһид Гасим Сүлејмани вә Ирагда Әлһәшдушшәби тәшкилатынын рәис мүавини Әбу Меһди Әл-Мүһәндис вә диҝәр сәккиз нәфәрлә јанашы, 2020-ҹи ил јанварын үчүндә тәҹавүзкар вә террорчу АБШ гүввәләринин Ирагын Бағдад һава лиманынын јахынлығында кечирдикләри һава һүҹумунда шәһид едилдиләр.
342/
