АБНА24 Хәбәр Верир, Иран Ислам Республикасы президенти Һәсән Руһани Енерҝетика Назирлијинин милли лајиһәләринин истифадәјә верилмәси мәрасиминдә ҝенерал-лејтенант шәһид Гасим Сүлејманинин хатирәсини әзиз тутараг, әлавә едиб: "Мүтләг дүшмән Ислам Ингилабы Кешикчиләри Корпусу СЕПАҺ-ын Гүдс Гүввәләринин команданыны вәһшиҹәсинә террор етмәкдән зијан ҝөрәҹәк вә реҝионун халгы вә ҝәнҹләринин мүгавимәт вә реҝионун мүстәгиллији јолунда даһа мөһкәм вә даһа үмидвар дајанаҹағына әмин олмалыдыр". "Америкалылар бөлҝәдә олдуғу мүддәтдә Гәрби Асија тәһлүкәсиз олмајаҹаг вә бөлҝә халглары тезликлә ҹинајәткарлары вә тәҹавүзкарлары бөлҝәдән говаҹаглар", - дејә Иран Ислам Республикасы президенти гејд едиб. Руһани, сөзләринин давамында һөкумәтин Иранын шимал-гәрбиндәки Урмијә ҝөлүнү ҹанландырмаг үчүн ҝөстәрдији сәјләрә тохунараг, дејиб: "Урмијә ҝөлүнүн дирчәлдилмәси һөкумәтин Гәрби вә Шәрги Азәрбајҹан вә бүтүн шимал-гәрб бөлҝәси халгына вердији вәдләрдән бири иди, чүнки бу бөлҝәнин һәјаты Урмијә ҝөлүндән асылыдыр." Иран Ислам Республикасынын президенти Гәрби Азәрбајҹан вилајәтиндә "Кани Сиб" бәндинин ачылышыны Урмијә ҝөлүнү бәрпа етмәк ҹәһди кими дәјәрләндириб вә әлавә едиб: "Бу бәнд халгын һәјаты үчүн һәлледиҹи бир ҝөл јарадаҹаг". Иранын иҹра һакимијјәтинин башчысы, һәмчинин инсанлара сон ики ајда сәһијјә протоколларына риајәт етдикләри үчүн тәшәккүр едиб вә дејиб: "Халгын дәстәји илә епидемиоложи вәзијјәт мәгбул бир сәвијјәјә чатыбдыр, Лакин вәзијјәт һәлә дә стабил дејил вә сосиал мәсафә вә сәһијјә протоколларына мүтләг риајәт етмәк лазымдыр".
342/
