АБНА24 Хәбәр Верир, сәфәр заманы Азәрбајҹан нүмајәндә һејәти Русија Федерасијасы Баш назиринин мүавини Алексеј Оверчукун рәһбәрлик етдији нүмајәндә һејәти илә ҝөрүш кечириб. Ҝөрүш заманы ики өлкә арасында игтисади-тиҹарәт, јол-нәглијјат, енерҝетика, инфраструктур саһәләрдә әмәкдашлығын мөвҹуд вәзијјәти вә ҝәләҹәк перспективләри һаггында мүзакирәләр апарылыб. Тиҹарәт саһәсиндә әмәкдашлыг әлагәләри мүзакирә олунуб, гаршылыглы тиҹарәт динамикасынын мөвҹуд вәзијјәти вә артым имканлары, о ҹүмләдән Азәрбајҹан кәнд тәсәррүфаты мәһсулларынын ихраҹы барәдә әтрафлы фикир мүбадиләси апарылыб. Гаршылыглы инвестисија гојулушу саһәсиндә иҹрада олан лајиһәләр барәдә данышыглар апарылыб, гаршылыглы инвестисијалар һәҹминин 6 милјард АБШ долларындан чох олдуғу гејд олунуб. Нәглијјат саһәсиндә әмәкдашлығын јүксәк сәвијјәдә олдуғу вә динамик инкишаф етдији, Шимал-Ҹәнуб бејнәлхалг нәглијјат коридору үзәриндә бу илин 10 ајы әрзиндә јүкдашымаларда 18% артым олдуғу гејд едилиб. Нәглијјат-транзит саһәсиндә јени имканлар мүзакирә олунуб. Енерҝетика саһәсиндә әмәкдашлыг әлагәләри мүзакирә олунуб, Азәрбајҹан-Иран-Русија енержи системләринин бирләшдирилмәси лајиһәсинин реаллашдырылмасы истигамәтиндә апарылан ишләр гејд олунуб. Тәрәфләр гаршылыглы мараг доғуран диҝәр мәсәләләри дә мүзакирә едибләр.
342/
