АБНА24 Хәбәр Верир, Азәрбајҹан Республикасы Хариҹи Ишләр Назирлијинин јајдығы бәјанатда бу барәдә гејд олунуб: "Белә ки, 7 октјабр тарихиндән етибарән Нидерланд Парламентинин Нүмајәндәләр Палатасы тәрәфиндән бөлҝәдәки вәзијјәтлә бағлы гәбул олунмуш 11 гәтнамә биртәрәфли характер дашымагла, әсассыз вә гәрәзли иддиалары әкс етдирмиш, ачыг анти-Азәрбајҹан мөвгеји сәрҝиләмишдир. 17 декабр тарихиндә гәбул олунмуш “Дағлыг Гарабаға һуманитар јардымын ҝөстәрилмәси илә бағлы” гәтнамәдә јенидән һәгигәт тәһриф олунур, Азәрбајҹан Республикасына гаршы әсассыз иддиалар әкс олунур. Нидерланд Парламентинин бу гәтнамәләрини гәтијјәтлә рәдд едир вә өлкәнин Нүмајәндәләр Палатасыны биртәрәфли мөвгејиндән әл чәкмәјә вә гәрарларында бејнәлхалг һүгугун норма вә принсипләриндән чыхыш етмәјә чағырырыг. Нидерланд, еләҹә дә парламентләри гәрәзли мөвге нүмајиш етдирән диҝәр Авропа дөвләтләри гәрәзли мөвге нүмајиш етдирәрәк әдавәти аловландырмаг јеринә, 10 нојабр тарихли бирҝә бәјанатла бөлҝәдә јаранмыш јени тәһлүкәсизлик вә әмәкдашлыг чәрчивәсини дәстәкләјәрәк бөлҝә өлкәләринин сүлһ, сабитлик вә тәрәгги шәраитиндә инкишафына төһфә верә биләр".
342/
