АБНА24 Хәбәр Верир, Бу барәдә ики өлкәнин рәсми мәнбәләри тәрәфиндән мәлумат верилиб. “Ордубад” вә “Маразад” Су Електрик Стансијаларынын тикинтиси вә истисмары һаггында” сазишлә тәрәфләрә һәвалә едилмиш тапшырыгларын, һабелә “Азәрбајҹан Республикасы Һөкумәти илә Иран Ислам Республикасы Һөкумәти арасында Араз чајы үзәриндә “Худафәрин” вә “Гыз Галасы” һидроговшагларынын вә су електрик стансијаларынын тикинтисинин давам етдирилмәси, истисмары, енерҝетика вә су еһтијатларындан истифадә саһәсиндә әмәкдашлыг һаггында” Сазишин мүвафиг маддәләриндә нәзәрдә тутулмуш тәдбирләрин мүзакирәси мәгсәдилә мүвафиг Техники Комиссијаларын нөвбәти ҝөрүшү декабрын 14-16-да Нахчыван Мухтар Республикасында кечирилиб. Иҹласларын әсас мүзакирә мөвзулары “Худафәрин” бәндиндә Иран Ислам Республикасы тәрәфиндән ҝөрүлмүш ишләр, су алтында галан Азәрбајҹан әразиләринә дәјән зијанын дәгигләшдирилмәси вә диҝәр мәсәләләр олуб. Ҝөрүшләр чәрчивәсиндә, һәмчинин “Ордубад” Су Електрик Стансијасынын тикинтиси апарылан әразијә јериндә бахыш кечирилиб вә даһа сонра тикинти просесинин сүрәтләндирилмәси илә бағлы ҝениш мүзакирәләр апарылыб. Ејни заманда “Маразад” СЕС-ин тикилмәси илә әлагәдар әмәкдашлыг имканлары әтрафында фикир мүбадиләси апарылыб. Ҝөрүшләрин давам етдирилмәси планлашдырылыр.
342/
