АБНА24 Хәбәр Верир, Иран Ислам Республикасы президенти Һәсән Руһани Назирләр Кабинетинин бу ҝүнкү иҹласында етдији чыхышында Иранын дүнјада сүлһ, сабитлик вә тәһлүкәсизлик, һәмчинин гаршылыглы әлагә јолуну сечмәк истәјән бүтүн өлкәләрлә конструктив гаршылыглы әлагә ардынҹа олдуғуну вурғулајыб вә әлавә едиб: "АБШ-да Ҹо Бајденин һакимијјәтә ҝәлишиндән һәјәҹанлы дејилик, амма бу гәдәр үсјанкар вә һүгугтанәмаз, мәнәви вә инсани принсипләрә белә ујмајан вә ҸОВЫД-19 пејвәндинин тәдарүкүнүн гаршысыны алан террорчу бир инсанын ҝетмәсиндән чох мәмнунуг". Иран Ислам Республикасы президенти бәзи јерли медиаларын анти-Иран пејк каналларындан тәсирләнәрәк, нүвә анлашмасы вә һазыркы вәзијјәтлә 2015-ҹи илдәки шәраитин фәргиндән бәһс етдикләри барәдә дејиб: "Шүбһәсиз ки, буҝүнкү вәзијјәт о илдән там фәрглидир". Руһани әлавә едиб: "2015-ҹи илдә Иран нүвә анлашмасы илә бағлы данышыглар апараркән, БМТ Тәһлүкәсизлик Шурасынын 6 гәтнамәси илә үз-үзә иди, үстәлик ПМД (Иранын нүвә програмынын мүмкүн һәрби ҹәһәтләри) мәсәләси дә мүзакирә тәрәфләринин әлиндә бир бәһанә иди һазырда бу манеәләр мөвҹуд дејил". Иран Ислам Республикасынын президенти вурғулајыб: "2015-ҹи илдәки шәраитдә дүнјада иҹтимаи рәји елә формалашды ки, Иран өһдәлик ҝөтүрсә дә, ону јеринә јетирмәјәҹәк, анҹаг нүвә анлашмасы Иранын, дүнјанын ән садиг өлкәси олдуғуну, сәрт вә титизликлә мүзакирә апардығыны, анҹаг имза атарса вәдинә садиг галаҹағыны дүнјаја сүбут етди".
342/
