АБНА24 Хәбәр Верир, бу барәдә “С&П Глобал Рејтинг” аҝентлији мәлумат јајыб. Мәлуматда дејилир ки, дүнја өлкәләри кредит алмаға ҹан атырлар вә ҹари илдә ҝлобал борҹун 200 трилјон доллар чатаҹағы ҝөзләнилир. Бу мигдарда борҹ дүнја игтисадијјатынын иллик истеһсалынын 265 фаизини тәшкил едир. Мәлумата әсасән, глобал борҹун үмуми дахили мәһсула нисбәти илләрдир артмагдадыр вә коронавирус пандемијасы бу бөһраны даһа да кәскинләшдириб. Диҝәр тәрәфдән, БМТ коронавирус пандемијасынын узун мүддәтдә даһа 207 милјон инсаны мүтләг јохсуллуға дүчар едәҹәји вә 2030-ҹу иләдәк онларын үмуми сајыны бир милјард нәфәрә чатдыра биләҹәји илә бағлы хәбәрдарлыг едиб. “С&П Глобал Рејтинг” аҝентлији коронавирусун игтисади фәсадларынын 80 фаизинин он илдән чох давам едә вә игтисади инкишафы дајандыра биләҹәјини сөјләјиб.
342/
