АБНА24 Хәбәр Верир, Иран Хариҹи Ишләр Назирлијинин мәтбуат катиби Сәид Хәтибзадә базар ертәси ҝүнү сәһәр јерли вә хариҹи журналистләрлә онлајн конфрансында Суријанын хариҹи ишләр назири Фејсәл Әл-Мәгдадын Теһрана сәфәр етмәси барәдә дејиб: Бу, Суријанын јени хариҹи ишләр назиринин илк хариҹи сәфәридир. Бу сәфәр ҹәнаб Зәрифин дәвәти илә едилилиб. Сурија Хариҹи Ишләр Назири Иранлы һәмкары илә ҝөрүшмәклә јанашы, Президентимиз Һәсән Руһани дә дахил олмагла бир сыра диҝәр Иран рәсмиләри илә ҝөрүшәрәк мәсләһәтләшәҹәк. Хариҹи Ишләр Назирлијинин сөзчүсү Дағлыг Гарабағ бөһраны вә Азәрбајҹан Республикасы Хариҹи Ишләр Назиринин Теһрана сәфәри илә бағлы суала ҹаваб олараг дејиб: Дағлыг Гарабағ бөһраны илә бағлы фикирләримизи билдирдик вә бу бөһранын галыҹы бир шәкилдә һәлл едилмәли олдуғуну вурғулајырыг. Хәтибзадә әлавә едиб: Азәрбајҹан Республикасынын Хариҹи Ишләр Назири ҹәнаб Зәрифин дәвәти илә чәршәнбә ҝүнү Теһрана ҝәләҹәк вә Хариҹи ишләр назиримизлә ҝөрүшмәклә јанашы, бир сыра диҝәр Иран рәсмиләри илә ҝөрүшәрәк мәсләһәтләшәҹәк. Хатибзадә Сәудијјә Әрәбистанынын реҝионал сијасәтини кәскин тәнгид едәрәк дејиб: Әр-Ријад әрәб дүнјасында вә бөлҝәдә баш верән бир чох проблемдән мәсулдур.
342/
