АБНА24 Хәбәр Верир, Түркијә ордусунун артиллерија һүҹуму Әбу-Расин шәһәринин әтрафында јерләшән «Дада Әбдал» кәндиндә вәтәндашларын мәнзилләри вә әмлакларына хәсарәтләр вурубдур. Түркијә ордусу террорчуларла мүбаризә бәһанәсилә Суријанын шимал бөлҝәләринин бир һиссәсини ишғал едиб. Түркијә һәрбчиләриндән бир групу һәлә дә бу бөлҝәләрдә иштирак едир. Сурија һөкумәти Түркијәнин вә Суријада онун табелијиндә олан гүввәләрин иштиракыны ишғалчылыг һесаб едәрәк, буна сон гојулмасы ваҹиблијини вурғулајыб. Белә бир һалда, Түркијә ордусунун гырыҹылары Түркијә Күрдүстаны Фәһлә Партијасы- ПКК-нын Ирагын шималындакы мөвгеләрини бомбалајыблар. Ики түркијәли гырыҹы шәнбә ҝүнү Ирагын шималындакы Әлимадијјә рајонунун бөлҝәләриндән олан Дејр-Әлвәк мәнтәгәсиндә јерләшән Каре дағынын әтәкләриндәки ики кәндин әтрафыны бомбардман едиб. Түркијә өтән ијун ајынын орталарында Ирагын Күрдүстан иглиминдә «Ирагын шималындакы ПКК үзвләрини јатырмаг» адландырдығы мәгсәдлә ики һәрби әмәлијјата башлајыбдыр. Сурија вә Ираг һөкумәтләри дәфәләрлә Түркијәнин һәрби гүввәләринин өз өлкәләриндәки иштираклары вә һүҹумларыны өз әрази бүтөвлүкләринин позулмасынын бариз нүмунәси адландырараг, онлары писләјибләр.
342/
