АБНА24 Хәбәр Верир, Казим Гәрибабади ИРИБ-ә вердији мүсаһибәдә Иранын нүвә анлашмасы, тәһлүкәсизлик мәсәләләри, һәмчинин Иранын Атом Енержиси үзрә Бејнәлхалг Аҝентлик (АЕБА) илә мәктубларынын ҝизли олдуғуну бәјан едәрәк, дејиб: "Иранын ҝизли мәлуматларын горунмасы саһәсиндә АЕБА-ја гаршы етиразлары вә һүгуги просесләри 20 илдән артыг бир кечмишә маликдир." "Һүгуги проседуру битмәмиш һәр һансы бир ҝизли мәлуматын јајылмасы, бу мәлуматын саһиби олараг, јалныз Иран Ислам Республикасынын сәрәнҹамындадыр." Гәрб медиалары ҹүмә ҝүнү билдирибләр ки, Атом Енержиси үзрә Бејнәлхалг Аҝентлик үзв өлкәләрә Иранын Нәтәнз нүвә тәсисатларында даһа чох мүасир "ЫР-2М" сентрифугалары гурашдырмаг нијјәтиндә олдуғуну ачыглајыб. Бу илк дәфә дејил ки, Иранын нүвә фәалијјәтләри илә бағлы АЕБА-нын ҝизли мәлуматлары мәтбуата сыздырылыр. Бундан әввә Русијанын Вјанада јерләшән бејнәлхалг тәшкилатлардакы даими нүмајәндәси Михаил Улјанов да АЕБА-нын ҝизли мәлуматлары медијаја сыздырмасына етираз едиб. Гәрб медиасында бу хәбәрин, Иран Ислам Шурасы мәҹлисиндә "санксијаларын лғәв едилмәси үчүн стратежи фәалијјәт" планынын тәсдиг едилмәсзиндән гыса мүддәт сонра дәрҹ едилмәси резонанс доғуруб. Иран Ислам Шурасы мәҹлисинин тәсдигләдији бу ганун лајиһәсинә әсасән, Иран Ислам Республикасынын Атом Енержиси Тәшкилаты, 3 ајадәк санксијаларын лғәв едилмәдији тәгдирдә, Нәтәнзин шәһид Әһмади Рөвшән адына јералты һиссәсиндә ән азы 1000 әдәд "ЫР-2м" типли сентрифугалары гурашдырылмасы, газын вурулмасы, материалларын мүнасиб дәрәҹәдә зәнҝинләшдирилмәсы вә сахланылмасы әмәлијјатына башламалыдыр. Алманија, Инҝилтәрә вә Франса, АБШ-ын 2018-ҹи ил мајын 8-дә Иранла нүвә анлашмасындан ганунсуз чыхмасындан сонра, Иранын игтисади марагларына тәминат верәрәк, анлашманы давам етдирәҹәкләринә сөз вердиләр. Бу үч өлкә сөздә АБШ-ын бу һәрәкәти гаршысында дајансаларда практикада нүвә анлашмасыны горумаг үчүн вәд етдикләрини јеринә јетирә билмәдиләр. Белә бир шәраитдә Иран Милли Али Тәһлүкәсизлик Шурасы, 2019-ҹу ил мај ајынын 8-дә вә АБШ-ын нүвә анлашмасындан чыхмасынын илдөнүмүндә, Иранын бу разылашманын 26 вә 36-ҹы бәндләринә ујғун олараг, өһдәликләри вә һүгуглары арасында баланс јаратмаг үчүн өһдәликләрини аддым-аддым азалдаҹағыны билдирди. Иран, санксијаларын ләғв едиләҹәји вә Иранын нүвә анлашмасынын игтисади мәзијјәтләриндән фајдаланаҹағы тәгдирдә, өз өһдәликләринә гајытмаға һазыр олдуғуну вурғулајыб.
342/
