АБНА24 Хәбәр Верир, Франса дини екстремизмин артан тәһлүкәси бәһанәси илә мүбаризә чәрчивәсиндә ҝуја дини идеолоҝијанын “гызышдырылмасында” шүбһәли билинән онларла мәсҹидин фәалијјәтинин арашдырылмасына башлајаҹаг. Бу барәдә Дахили ишләр назири Ҹералд Дарманин билдириб. Дарманин иддиа едиб ки, өлкәдәки 2600-дән чох мәсҹидин 10 Парисдә вә 60-ы диҝәр шәһәрләрдә олмагла 76-ы Франсанын республика дәјәрләринә вә онун тәһлүкәсизлијинә мүмкүн тәһлүкә кими гејдә алыныб. Онун сөзләринә ҝөрә, әҝәр шүбһәләр тәсдигләнсә, мәсҹидләр бағланаҹаг. Мүстәнтигләр шүбһәли һесаб етдикләри мәсҹидләрин малијјәләшдирилмәси вә имамларын һәјатынын арашдырылмасы илә мәшғул олаҹаглар. Дахили ишләр назиринин ҝөстәришинә әсасән мүстәнтигләр бу мәсҹидләрдән 18-и барәдә тәҹили истинтаг ишинә башлајыблар. Гејд едәк ки, декабрын 2-дә Франсада намәлум шәхсләр Парисин јахынлығында јерләшән Бретени-сјур-Орж (Есон департаменти) шәһәриндәки мәсҹиди тәһгир едибләр. Ҹинајәткарлар сәһәр тездән автомобиллә әразијә ҝәләрәк мәсҹидин гапысыны сындырыблар. Онлар мәсҹидин ичинә, хүсусән ибдәт залына одсөндүрән мәһлулу төкүбләр. АФП Дахили Ишләр Назирлијинин мәлуматына истинадән хатырладыб ки, Франсада 2019-ҹу илдә мүсәлманлара вә онларын дини мәркәзләринә гаршы јөнәлдилмиш аксијалар 54 фаиз артыб.
342/
