АБНА24 Хәбәр Верир, Русијанын хариҹи ишләр назири Серҝеј Лавров, АБШ дөвләт катибинин мүавини Стефан Биган вә Франсанын хариҹи ишләр назири Жан Ив Ле-Дриан дүнән бирҝә бәјанатда Ермәнистан вә Азәрбајҹан Республикасындан истәјибләр ки, әлдә олунан разылыглара садиг галыб, атәшкәс фүрсәтиндән истифадә едәрәк, өз ихтилафларыны мүзакирә јолу илә һәлл етсинләр. Минск групу һәмсәдрләринин бәјанатында дејилир: Бүтүн хариҹи муздурлар вә террорчулар Гарабағ һүдудларындан чыхмалы вә Бакы вә Ирәван бу просесә көмәк етмәлидирләр. Бу үч өлкә һәмчинин Гарабағда тоггушан тәрәфләрдән истәјибләр ки, хүсусән әсирләр мүбадиләси вә ҹәсәдләрин гајтарылмасы саһәсиндә инсан һаглары үзрә бејнәлхалг ганунлара садиг галсынлар. Онлар һабелә шәхсләр вә мүһаҹирләрин Гарабағ бөлҝәсинә тәһлүкәсиз вә көнүллү гајыдышы үчүн шәраитин тәмин едилмәсинин өнәминә тәкид едибләр. Бу бәјанатда Гарабағда вә әтраф бөлҝәләрдәки дини, тарихи вә мәдәни ирсләрин горунмасынын өнәминә тохунан Минск групунун һәмсәдрләри Ирәван вә Бакыны бу саһәләрдә өз өһдәликләринин иҹрасы үчүн бејнәлхалг тәшкилатларла әмәкдашлыға чағырыблар. Азәрбајҹан Республикасы илә Ермәнистан арасында Дағлыг Гарабағ бөлҝәсиндәки дөјүшләрин јени мәрһәләси сентјабрын 27-дә башланды вә Азәрбајҹан Республикасынын ишғал олунмуш әразиләринин бир һиссәсинин азад едилмәси илә нәтиҹәләнди. Ермәнистан вә Азәрбајҹан Республикасы нојабрын онунда Русијанын васитәчилији илә Дағлыг Гарабағда саваша сон гојулмасы барәдә разылыға ҝәлдиләр. Бу разылашмаја әсасән, Азәрбајҹан Республикасынын ишғал едилмиш әразиләринин диҝәр һиссәләри бу өлкәјә гајтарылды.
342/
