АБНА24 Хәбәр Верир, бу елә бир һалдадыр ки, алман рәсмиләри Ҹо Бајдени илк тәбрик едәнләр сырасында идиләр вә Бајденин дөврүндә Русија илә ән бөјүк енержи лајиһәләрини баша вураҹагларына үмид едирдиләр. АБШ-да истәр Сенатда, истәрсә дә Нүмајәндәләр Палатасында Русија илә Алманија арасында газ кәмәринин иншасына гаршы чыханлар вардыр. Чүнки бу бору кәмәринин Алманијаја чәкилиши илә Авропа енержи бахымындан Русијаја даһа јахын олаҹаг, бундан әлавә Вашингтон газы ондан алмаларыны тәләб едир. Һәтта америкалы сенатор Тед Круз дејиб ки, бу кәмәрин сон нөгтәси олан Алманијанын шималындакы "Заснитс" лиманы санксијалар васитәсилә мәһв едилмәлидир. Һансы ки, онун бу ачыгламасына реаксија олараг, Алманија парламентинин бир үзвү ону Авропаја бурахмамаг вә банк һесабыны дондурмағы тәклиф едиб. АБШ октјабрын 20-дән етибарән "Шимал ахыны 2" бору кәмәринин иншасында иштирк едән ширкәтләрә әмәкдашлыгларына там шәкилдә сон гојмаг үчүн 30 ҝүн мөһләт вериб әкс тәгдирдә, онлары санксијалар ҝөзләјир.
342/
