АБНА24 Хәбәр Верир, Иранын Хариҹи Ишләр Назирлијиндән верилән мәлумата ҝөрә, Хариҹи ишләр Назирлијинин мәтбуат катиби Сәид Хәтибзадә ҹүмә ҝүнү үч Авропа өлкәси, Алманија, Франса вә Инҝилтәрәнин Иран Ислам Республикасынын Атом Енержиси үзрә Бејнәлхалг Аҝентликлә әмәкдашлыглары барәдә јајдығы бәјаната реаксијада бу ҹүр мәсулијјәтсиз мөвгеләри гынајараг, дејиб: "Иранын сүлһмәрамлы нүвә фәалијјәтләри там шәкилдә бејнәлхалг һүгуг нормалары чәрчивәсиндә, гануни вә леҝитимдир вә Иранын ајрылмаз вә суверен һүгугларына ујғун һәјата кечирилир". Иранын Хариҹи Ишләр Назирлијинин мәтбуат катиби авропалыларын нүвә анлашмасы илә бағлы өһдәликләринә тохунараг, гејд едиб ки, АБШ-ын нүвә анлашмасындан чыхмасы вә Ирана гаршы санксијалары бәрпа етмәси, һабелә авропалыларын Иранын нүвә амлашмасы чәрчивәсиндә, санксијаларын ләғвиндән игтисади фајдалары илә бағлы илгарсызлыгларынын давам етмәси илә Иран Ислам Республикасы нүвә анлашмасынын 26 вә 36-ҹы маддәләринә там ујғун шәкилдә аддымлар атыб. Үч авропа өлкәси, Алманија, Франса вә Инҝилтәрә АБШ-ын нүвә анлашмасындан чыхмасынын тәсирләрини арадан галдырмаг үчүн вәд етдикләринә әмәл етмәкдән аҹизликләринә рәғмән, нојабрын 18-дә бир бәјанат јајараг, иддиа едибләр ки, онларын хош нијјәтинә бахмајараг, Иран нүвә анлашмасыны “ҹидди шәкилдә позубдур.
342/
