АБНА24 Хәбәр Верир, Үмумдүнја Сәһијјә Тәшкилатынын јүксәк вәзифәли нүмајәндәләри, Иранын сәһијјә назири вә сәһијјә назирлијинин рәсмиләри, һәмчинин тәдгигат групларынын иштиракы илә видео-конфранс формасында Иранда ҸОВЫД-19 ваксини истеһсалынын ирәлиләјишинин арашдырылмасы үзрә илк јығынҹаг кечирилиб. Јығынҹагда иранлы тәдгигатчыларын Һәзрәт Имам Хомејни(р.ә)-ын фәрманынын иҹрасы комитәсинин дәрман бөлмәсинин алты ихтисаслашдырылмыш платформасы дахил олмагла коронавирус ваксининин дүзәлдилмәси үзрә платформалар барәдәки сон наилијјәтләри арашдырылыб вә тәдгигатчылар бу саһәдә фикир мүбадиләси апарыблар. Иранын сәһијјә назири Сәид Нәмәки бу јығынҹагда дејиб: "Тезликлә Иран дүнјада коронавирус пејвәндинин дүзәлдилмәси саһәсиндә габагҹыол өлкәләрдән бири кими танынаҹагдыр". Нәмәки әлавә едиб: "Коронавирус ваксини платформалары Ирандакы бир нечә ширкәтдә биринҹи вә икинҹи етаплары уғурла архада гојублар вә һазырда үчүнҹү етапы кечирмәкдәдирләр". Үмумдүнја Сәһијјә Тәшкилатынын Шәрги Аралыг офисинин мүдири Әһмәд әл-Мәнзәри дә бу јығынҹагда иранлы тәдгигатчыларын коронавирус пејвәндинин истеһсалы саһәсиндәки елми уғурларындан һејрәтләндијини билдириб. Дејиб ки, Иранда изләнилән методлардан бири, тамамилә јени вә өзүнәмәхсусдур.
342/
