АБНА24 Хәбәр Верир, һәр ил тәшкил едилән “Малабар” адлы тәлимләрдә АБШ, Австралија вә Һиндистанын һәрби донанмалары, һәмчинин Јапонијанын өзүнүмүдафиә гүввәләри иштирак едирләр. Билдирилир ки, иштиракчы өлкәләр тәрәфиндән Һиндистан саһилләринә ҝөндәрилән сәккиз ҝәми арасында Јапонија өзүнүмүдафиә гүввәләринин суалты гајығы, ҝөзәтчи ҝәмиси вә “Онами” есминеси дә вар. Гејд едилир ки, 2015-ҹи илдән башлајараг Јапонија, АБШ вә Һиндистанын иштиракы илә тәшкил олунан үчтәрәфли тәлимләрә илк дәфә Австралија да гатылыб. Мүтәхәссисләрин рәјинә ҝөрә, иштиракчы өлкәләр бунунла Чинин дәниздә артмагда давам едән фәаллығынын гаршысыны алмаға чалышдыгларыны нүмајиш етдирмәк истәјирләр. Һиндистан Мүдафиә Назирлијинин билдирдијинә ҝөрә, тәлимләр ики мәрһәләдә кечириләҹәк. Биринҹи мәрһәлә ҹари һәфтәнин шәнбә ҝүнүнәдәк, икинҹи мәрһәлә исә нојабрын орталарынадәк давам едәҹәк. Назирликдән, һәмчинин билдирибләр ки, тәлимләр өзүндә суалты гајыглара гаршы бирҝә фәалијјәти вә ракетдән мүдафиәни бирләшдирәҹәк.
342/
