Әһли Бејт - АБНА – Хәбәр Аҝентлијинин вердији хәбәрә әсасән, Үмүдүнја Мүсәлманларынын Али Рәһбәри, Вәлијји Фәгиһ Сејјид Әли Хаменеи ҹәнабларынын хариҹи ишләр үзрә мүшавири Әли Әкбәр Вилајәти Кәрбәла һадисәсиндән сонра Әмәвиләрин мәһв олдуғуну хатырладараг, белә данышыб: " Гәти олараг дејә биләрик ки, Иран кими бир чох өлкәнин ҝүнаһсыз халгынын шәһид олдуғу Мина Кәрбәласы, Али Сәуду арадан галдыраҹаг".
Али Сәуд режиминин Гәрби Асијада Американын сопасы кими рәфтар етдијини дејән Доктор Вилајәти билдириб: “Сәудијјә режими реҝионда узун илләрдир ҝүнаһсыз мүсәлманларын ганларынын јерә төкүлмәсинә билаваситә вә ја долајысыјла шәрикдир. Али Сәуд Сәддамы дәстәкләјән, Иран вә Ираг халгындан јүзминләрлә инсанын Сәддам тәрәфиндән гәтлиам едилмәсинә шәрик олан өлкәдир.
Али Сәуд нөкәрләри реҝиона һаким олмасыны истәјирди. Мәсәлән, Али Сәуд Суријада өзләринә табе олмајан һөкумәти девирмәјә ҹәһд етдиләр, лакин мәғлубијјәтә дүчар олдулар. Сәудијјә режиминин бүтүн саһәләрдә сонунун чатдығына инанырам.”
Имам Хаменеи ҹәнабларынын хариҹи ишләр үзрә мүшавири һәмчинин дејиб: “Сәудијјә Әрәбистаны һәмишә вәһһабилији вә радикализми дәстәкләјиб вә Ислам дининдә бу азғын дүшүнҹәни јајмагдадыр. Әл-Әзһәр вә Әһли-сүннә алимләринин Чеченистанын Грозны шәһәриндә тәшкил етдикләри сонунҹу конфрансда, Сәудијјә Әрәбистанында ҝениш јајылан вәһһаби дүшүнҹәсинин Ислам илә һеч бир әлагәсинин олмадығы вурғуланыб.”
Сәудијјә Әрәбистаны мәсҹидләрин хидмәтиндә олмаг әвәзинә АБШ вә сионизмин хидмәтиндәдир дејән Әли Әкбәр Вилајәти билдириб: “Сәудијјә Әрәбистанындакы мәсҹидләр, Мәсҹидул Һарам вә Пејғәмбәр (с) мәсҹиди тәкҹә бир өлкәјә мәхсусдур дејилә биләр. Амма әслиндә бу мәсҹидләр бүтүн Ислам үммәтинә аиддир. Исламдан јолуну азмыш бир груп, бүтүн истәк вә арзуларыны мүсәлманларын бөјүк әксәријјәтинә тәлгин едә билмәз.”
Әли Әкбәр Вилајәти Имам Хаменеинин һәҹҹлә бағлы месажында гејд етдији "Шәҹәрә мәлуна" сөзүндә мәгсәдин Али Сәуд режими олдуғуна ишарә едәрәк билдириб: "Алимләрин әксәријјәтинин гәнаәтинә әсасән "Шәҹәрә мәлуна"да (ләнәтләнмиш ағаҹ) Бәни Үмәјјәјә ишарә олунмушдур вә Сәудијјә режими Бәни Үмәјјәнин давамчысы олдуғу үчүн "Шәҹәрә мәлуна" термининә аид едилир.
Бәни Үмәјјәнин тәмәлләри Кәрбәла һадисәсиндән сонра арадан ҝетди вә мүтләг Иран кими Ислам өлкәләринин минләрлә вәтәндашынын шәһид олдуғу Мина Кәрбәласы да Али Сәуду арадан галдыраҹаг".
Диггәт: Хәбәрдән истифадә етдикдә мәнбәјә истинад лазымдыр
