Әһли Бејт - АБНА – Хәбәр Аҝентлијинин вердији хәбәрә әсасән, “Әрәб сүлһү” ады алтында Фәләстин торпагларыны ишғал етмиш сионист режимлә мүнасибәтләрин нормаллашдырылмасы вә Исраилин дахили проблемләринин азалдылмасы үчүн әрәб өлкәләриндәки екстремист террорчу групларын дәстәкләнмәси кими апарылан мүхтәлиф сијасәтләрин сионист јәһуди режиминә бир фајдасы олмадығы билдирилиб.
Апарылан арашдырмада бу сијасәтин ишғалчы режимин дахили проблемләрини һәлл етмәдији вә һәтта Исраилин тәһлүкәсизлијинә мәнфи тәсир етдији гејд олунуб.
Јанвар ајындан ијул ајынын сонуна гәдәр апарылан статистикаја ҝөрә, үч милјон јарымдан чох исраиллинин миграсија едилдији вә бу ҝөстәриҹинин өтән илә нисбәтән 14.9% артдығы ачыгланыб. Јазыда Американын һәрби вә малијјә дәстәкләринә бахмајараг, сионист режимин һәлә дә игтисади вә сосиал бөһранларла мүбаризә апардығы вә јохсуллуғун 22 фаизә чатдығы вурғуланыб.
Бундан башга, арашдырмада “Бу режимә ҝүзәштә ҝетмәјән Ливан Ислами Мүгавимәтинин вә Фәләстин Мүгавимәт Гүввәләринин варлығы сәбәбиндән Исраил мүһарибә олмадан да тәһлүкәсизлик горхусу ичиндәдир. Белә бир вәзијјәтдә вә мүгавимәтин мүһарибә едәҹәји тәгдирдә Исраилә ҝөзләнилмәз нәтиҹә мүждәси вердији шәраитдә, ганунсуз “Исраил” режими неҹә јени бир мүһарибә башлаја биләр ки?”, - дејә гејд олунуб
Диггәт: Хәбәрдән истифадә етдикдә мәнбәјә истинад лазымдыр
