Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Түркијәнин ана мүхалифәт партијасы олан ҸҺП-нин лидери Камал Кылычдароғлу "Сөзчү" гәзетинә мүсаһибәсиндә дејиб: "Верилән әмрлә күчәјә чыхан әсҝәрләри јох, онлара тәлимат верәнләри сорғу-суал етмәк лазымдыр. Әсҝәрләрә гаршы едиләнләр, онларын ҝәтирилдији вәзијјәт һеч үрәкачан дејил. Һүгуга риајәт едилмәлидир".
Онун сөзләринә ҝөрә, чеврилишә ҹәһд едән әсҝәрләр кими әмрә табе олуб күчәјә чыхан әсҝәрләри линч едәнләр дә мүһакимә олунмалыдыр: "Әсҝәрләрин алчалдылдығы вәзијјәт һеч хош дејил".
Партија лидери билдириб ки, һәрби чеврилишә ҹәһд едәнләр ағыр ҹинајәт төрәдибләр: "Түркијә һүгугун үстүнлүјүнә инанан вә бу мәсәләдә ҝүвәнилән бир өлкә олмаг истәјирсә, зәрбә сонрасы гәрарлары вә тәдбирләри һүгуга ујғун апармаг мәҹбуријјәтиндәдир. Дөвләтин кин бәсләмәдијини, өн мүһакимәли олмадығына һамымыз инанмалыјыг. Ҹинајәткарлар ганунлара әсасланараг мүһакимә олунмалыдыр".
Диггәт: Хәбәрдән истифадә етдикдә мәнбәјә истинад лазымдыр
