Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Шејх Иса Гасимин Иранда олан нүмајәндәси Шејх Әбдуллаһ Дәгаг “Меһр” аҝентлијинин суалларыны ҹавабландырыб.
Меһр: Әд-Дәрраз бөлҝәсиндә вә Шејхин еви өнүндә олан сон дурум неҹәдир?
-Халг, Шејхә гаршы атылан сон аддымын хәбәрини ешитдији андан, онун еви өнүндә топлашараг, алимләрини мүдафиә етмәк гәрарына ҝәлди. Онлар сону билинмәјән аксијаја старт вердикләрини ачыгладылар. О тарихдән бу ҝүнәдәк халг һәмин бөлҝәдә јер алыр. Имсак вә ифтарларыны орда едир, Гәдр ҝеҹәләрини дә орда кечирирләр. Бөјүк алимләр дә бу мәҹлисдә иштирак едир. Хүусән ҹамаат вә ҹүмә намазлары тәтил елан олунуб вә һамы ҹамаат намазы үчүн Әд-Дәрраза дәвәт олунур.
Меһр: -Али-Хәлифә һәрбичиләри бөлҝәни мүһасирәјә алыблармы?
-Бәли, онлар бөлҝәни тиканлы мәфтилләрлә мүһасирәјә алыблар. Онлар инсанларын бөлҝәдән ајрылмасына иҹазә версәләр дә, јенидән дахил олмаларына имкан вермирләр. Онлар бу аддымла Шејхин еви өнүндә оланларын сајыны азалтмаг вә бунунла да Шејхә раһатлыгла һүҹум етмәк нијјәтиндәдирләр. Лакин халг бу бөлҝәни тәрк етмәк нијјәтиндә дејил.
Меһр: -Али-Хәлифә иддиа едир ки, Шејхә гаршы атылан бу аддымын сәбәби, онун халгы зоракылыға тәһрик етмәси илә бағлыдыр. Сизин бу барәдә дүшүнҹәләриниз нәдир?
-Али-Хәлифә 14.02.2011 тарихиндә баш верән ингилаб заманы, Лоло мејданыны дағыдараг, халгы сакитләшдирмәк нијјәтиндә иди, лакин бу баш вермәди. Режим, фәал инсанлары һәбс едир вә ја сүрҝүнә ҝөндәрирди. Шејх Иса Гасим вә Шејх Әли Салман барәдә дә, онлары сијасәт мејданындан ајырмаг үчүн бәзи иттиһамлара әл атды. Лакин Шејх Салман һәбс олунса да, халгын гәлбиндә галды. Режим, Шејх Иса Гасимин халгын гәлбиндә олан севҝисини дәрк етмәди. Халг онун еви өнүндә топлашды вә ингилаба јенидән старт верилди. Халг, Шејхи мүдафиә етмәклә бу иттиһамлары гәбул етмәдикләрини билдирирләр.
Меһр: -Сизҹә, Али-Хәлифә режиминин сон аддымы Бәһрејн ингилабынын ҝедишатындан һансы тәсирләри гојаҹагдыр?
-Ингилабын ҝедишаты вә талеји Шејх Иса Гасимин әлиндәдир. Онун рәһбәрчилији давам етдикҹә ингилаб, сивил јолла давам едәҹәкдир. Лакин режим, Шејх Гасимә гаршы ахмаглыға јол верәрсә, бизим вариантымыз да дәјишәҹәкдир. Биз бу мәсәләјлә бағлы ҹидди хәбәрдарлыг едирик вә Али-Хәлифәни бу барәдә еһтијатлы олмасыны истәјирик. Биз Лоло мејданында баш верән һадисәләрин давамыны јашајырыг.
Меһр: -Сәудијјә Әрәбистанынын бу мәсәләдә олан ролуну неҹә дәјәрләндирирсиниз?
-Сәудијјәлиләр проблемин башыдырлар. Шејх Гасимә гаршы атылан сон аддым Сәуд режими вә Инҝилтәрәнин вердији бир гәрар иди ки, Али-Хәлифә ону иҹра етди.
Меһр: -Гасим Сүлејманинин бу барәдә олан мәктубуну неҹә дәјәрләндирирсиниз?
-Бу мәктуб, дәгиг вахтда вә дәгиг шәраитдә ҝөндәрилди. Мәктубда, Али-Хәлифәнин, гырмызы хәттә һүҹум етдији гејд олунмушду. Режимин гаршысында икинҹи бир јол да вар. О да, Шејхин вәтәндашлығыны ҝери гајтарараг, онунла мүзакирәләрә башламагдыр. Али-Хәлифә гырмызы хәтләримизә һүҹум етмәјә давам едәрсә, һәгигәт вә һесабламалар дәјишәҹәкдир вә мүмкүндүр ки, халгын һәјата кечирәҹәји ингилаб Али-Хәлифә режиминин сону олсун.
Меһр: -Бејнәлхаг тәшкилатларын вә дүнјада олан инсан һаглары мүдафиәчиләринин бу барәдә мөвгеји неҹә олмалыдыр?
-Тәәссүф олсун ки, бејнәлхалг тәшкилатлар садәҹә нараһатчылыгларыны бирузә вердиләр. Бир һалда ки, бу, мәсәләнин һәллинә јардымчы олмур. БМТ әмәли олараг мөвге билдирмәли вә Али-Хәлифәнин аддымларыны дурдурмалыдыр. Әкс һалда бу аддымларын һеч бир хејри олмајаҹагдыр.
Меһр: -Гаршыдан ҝәлән ҹүмә ҝүнү бејнәлхалг Гүдс ҝүнүдүр. Шејх Гасимин сон олајларынын бу ҝүнә јахын бир заманда баш вермәси әлагәлидирми?
-Ајәтуллаһ Иса Гасим, Гүдс вә Фәләстин мәсәләсини халгын гәлбиндә мөһкәмләндирди, халгы Исраил режиминин гаршысында, Фәләстинин исә јанында олмасыныа шәраит јаратды. Бу сәбәбдән халг, бу ҝүнү бу ил дә јашадаҹагдыр. Шејхә зүлм олдундуғу вә өлкәдә сүрҝүн едилмәсинә ҹәһд олундуғу кими, фәләстинлиләрә дә зүлм олунур вә вәтәнләриндән сүрҝүн едилирләр.
Меһр: -Сизҹә, Гүдсүн азадлығы һансы јолларла мүмкүндүр?
-Бу, мүсәлманларын вәһдәти илә мүмкүндүр. Белә олмадығ һалда “Һизбуллаһ” кими Сионист режими илә савашмаг лазымдыр. Биз “Һизбуллаһ”-ын јолуну Сурија, Ираг вә Јәмәндә мүшаһидә едирик. Исраил режими әлејһинә мүгавимәт хәтти тәшкил олунар вә бу режими мүһасирәјә аларса, Сионист режиминин ҝүнбәҝүн зәјифләмәјинин шаһиди олаҹағыг вә ҝөзләримизлә мәһвини ҝөрәҹәјик.
Диггәт: Хәбәрдән истифадә етдикдә мәнбәјә истинад лазымдыр
