Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ливанын Һизбуллаһ һәрәкатынын баш катиби Сејид Һәсән Нәсруллаһ, өтән ҝүн етдији чыхышында, мүгавимәтә дәстәк верән бүтүн һәр кәсә тәшәккүр едәрәк белә гејд едиб:"Мүгавимәт милләтләри вә өлкәләри мүдафиә етмәјә давам едәҹәк."
О һәмчинин Мүгавимәтин гәләбәсинин дә давам едәҹәјини дә сөјләјиб.
Һизбуллаһ һәрәкатынын баш катиби, Ајәтуллаһ Хаменеинин сон ачыгламасында мүгавимәтә олан дәстәјинин давам едәҹәјини билдирмәсинә дә тәшәккүр едәрәк гејд едиб ки:"Мүгавимәт дүшмәнләрин бүтүн суи-гәсдләрини вә планларыны позуб вә позмаға да давам едәҹәк."
Сејид Һәсән Нәсруллаһ, халгын дәстәјинин Һизбуллаһын ән бөјүк гүввә олдуғуну вә буна ҝөрә дә дүшмәнләрин халгын дәстәјиндәки мүгавимәтә зәрбә ендирмәк нијјәтиндә олдугларыны билдириб.О, "Кечмиш илләрдә мүгавимәт әлејһинә јөнәлмиш бүтүн тәзјигләрә бахмајараг мүгавимәт бу ҝүн чох ҝүҹлү вә ән јахшы вәзијјәтдәдир" - дејиб.
Суријаја гаршы әсл һәдәфин, мүгавимәт охуна зәрбә ендирмәк вә мүгавимәтин мәғлуб едилмәсини тәмин етмәк олдуғуну билдирән Сејид Һәсән Нәсруллаһ, Америка вә Әрәбистан кими онун реҝиондакы тәрәфдашларынын, мүгавимәтин голу олан базаларына зәрбә ендирмәк нијјәтиндә олдугларыны дејиб.
Һизбуллаһ һәрәкатынын баш катиби, Әрәб Бирлији вә Ислам Әмәкдашлыг Тәшкилатынын Һизбуллаһы террор сијаһысына алмасыны да писләјәрәк, Сәудијјәлиләрин бөлҝәдә мүгавимәт әлејһинә јөнәлмиш програмларынын аләтинә чеврилдијини билдириб.
Һизбуллаһ һәрәкатынын баш катиби, Ливанда президент сечкисинә дә ишарә едәрәк, Ливанда президент сечкиси мәсәләсиндә Әрәбистанын ролунун олдуғуну дејиб.
Диггәт: Хәбәрдән истифадә етдикдә мәнбәјә истинад лазымдыр
_57275947950ed_572df0d8df62f.jpg)
