Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, өтән ҝүн Сумгајыт Апеллјасија Мәһкәмәсиндә Сумгајыт шәһәриндә сәләфиләрлә сәләфи- хәвариҹләр арасында баш вермиш силаһлы инсидентлә бағлы һәбс едилән шәхсләрин апеллјасија шикајәтләри үзрә мәһкәмә баша чатыб.
Вәкил Фариз Намазлынын АПА-ја вердији мәлумата ҝөрә, мәһкәмә онларын барәсиндә олан һөкмү дәјишиб.
Белә ки, Елчин Әкбәрова 7 ил, Амил Тағыјевә 5 ил 6 ај, Кәнан Меһрәлијевә 5 ил 6 ај, Анар Рәһимова 6 ил 6 ај ҹәза тәјин едилиб.
Гејд едәк ки, Бакы Ағыр Ҹинајәтләр Мәһкәмәсинин һөкмү илә Елчин Әкбәров 9 ил, Анар Рәһимов 8 ил, Амил Тағыјев 7 ил, Кәнан Меһрәлијев 7 ил мүддәтинә азадлыгдан мәһрум едилиб. Һөкмдән наразы галан тәгсирләндириләнләр апеллјасија шикајәти верәрәк бәраәт һөкмүнүн чыхарылмасыны истәјибләр.
Хатырладаг ки, һадисә 2013-ҹү ил декабрын 11-дә саат 20:30 радәләриндә Сумгајыт шәһәри, 10-ҹу микрорајон әразисиндә јерләшән “Солтан” чај евиндә баш вериб. Ики груплашма арасында дини бахышларында олан фикри ајрылығына ҝөрә јаранмыш мүбаһисә сонда силаһлы инсидентлә нәтиҹәләниб. Һадисә заманы Сумгајыт шәһәр сакинләри Елмар Мәммәдли вә Анар Рәһимов бычаг хәсарәтләри, Тәзә Ҹорат гәсәбә сакинләри Елшән Мусајев вә Елнур Нәзәрәлијев исә гәлпә јаралары алыблар. Һадисәдә тәгсирләндирилән шәхсләр тутулуб. Онлардан силаһ-сурсат ҝөтүрүлүб.
Диггәт: Хәбәрдән истифадә етдикдә мәнбәјә истинад лазымдыр
