Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, ганунсуз исрал режиминин баш назири ҹинајәткар Бенјамин Нетанјаһо өтән ҝүн јәһуди ишғалчы һәрбичиләри илә кечиртдији ҝөрүшдә Суријаја гаршы һәјата кечиртдији онларла һава һүҹумларына вә Һизбуллаһ илә Сурија ордусунун мөвгеләрини атәшә тутдуғуна ишарә едәрәк дејиб: “Һизбуллаһын налијјәтләр әлдә етмәсинин гаршысыны алмаг вә мәнтәгәдә апарылан ојунун хејримизә гуртармаг үчүн әлимиздән ҝәлән бүтүн ишләри ҝөрәҹәјик. Һәтта лазым ҝәләрсә сәрһәдләримиздән кәнарада тәҹавүз едәрәк һәрби әмәлијјатлар кечирәҹәјик.”
Б.Нетанјаһо һәмчинин Суријаја гуру гошунларын јеридиләҹәји еһтималыны да тәкзиб етмәјәрәк вурғулајыб: “Һизбуллаһын гаршысыны алмаг үчүн әлимиздән ҝәлән һәр бир иши јеринә јетирәҹәјик!”
Бу илк дәфәдир ки, ганунсуз исраил режиминин баш назири Суријада һәрби гүввәләр јеритдијинә вә гондарма “ИШИД” адлы террорчулар илә әмәкдашлыг етдијинә етираф едир. Бундан өнҹә дә, Һизбуллаһ вә Сурија Ордусу тәрәфиндән әлә кечирилмиш сәнәдләрә әсасән һабелә сионист режим ТВ каналларынын јајымладыглары репортажлара әсасән ишғалчы исраил режиминин Нүсрә вә ИШИД террорчулары илә ишбирлији гурдуғу исбатланмышдыр.
Диггәт: Хәбәрдән истифадә етдикдә мәнбәјә истинад лазымдыр
