Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, АБШ президентлијинә Республикачыларын әсас намизәди Доналд Трамп тәблиғат сәфәри заманы Флоридада етдији чыхышында ҝүндәмини сионист Исраил-Фәләстин проблеминә һәср едиб.
Трамп чыхышында сионист Исраил режими Фәләстин арасындакы данышыгларын уғурсуз олаҹағы тәгдирдә, бунун ҝүнаһыны сионист Исраил режиминин үзәриндә олаҹағыны дејиб. "Трампын јүксәлиши дүнјада бир чох инсаны дәһшәтә ҝәтириб. Амма хүсусилә бир нәфәр нараһат олмалыдыр. Исраил режиминин баш назири Бинјамин Нетанјаһу", - дејә о билдириб.
Сионист Исраил режими-Фәләстин арасында нејтрал бир мөвге нүмајиш етдирәҹәјини бәјан едән Трамп, сон үч президентин дә Исраил- Фәләстин проблеминдә Исраилин үзәринә тәзјигләри етдијини билдириб: "Бу ҝүн сәһәр сүбһ радәләриндә Нетанјаһу илә данышмышам. Бахмајараг ки, ишим әснасында мәнә һеч бир дәстәк вермәди. О, бөјүк адамдыр, амма мән онун мәним кампанијама дәстәк вермәмәсини бөјүк ахмаглыг һесаб едирәм".
Доналд Трамп сионист Исраил-Фәләстин арасында артан ҝәрҝинлијә "гумархана үсуллу" бир һәлли јолу тәклиф едиб. Трамп хәјал етдији һәлл јолуну белә ачыглајыб: "Бычаг әвәзинә зәрр атсынлар".
Доналд Трамп сионист Исраил-Фәләстин арасына дивар инша етмәјин лазым олдуғуну да ирәли сүрүб. Тикиләҹәк диварын садәҹә ҝедиш-ҝәлишләри дајандырмаг үчүн олмајаҹағыны, диварда бир гапы ачылмасыны вә һәмин гапынын инша едәҹәји Гәзза Һотел вә Казино комплексинә ҝедән јолун ачылмасыны тәклиф едиб.
Гәззада казино шәбәкәси гурмағы планлашдырдығыны дејән Трамп, бөлҝәнин голф мејданчасы, отел вә курорт шәһәрҹији иншасы үчүн мүнасиб олдуғуну дејиб.
"Исраил-Фәләстин арасындакы гаршыдурмалары сона чатдырмаг үчүн бөлҝәјә Лас-Вегасы апармаг лазымдыр. Бычаг әвәзинә зәрр атмагла башламалыдырлар. Һеч кәс рулет топу атанда өлмүр", - дејә Трамп билдириб вә сөзләринә бунлары әлавә едиб: "Хүсусилә дивар, сонра казино комплекси инша етмәк мәним планымдыр. Бу план Исраил режиминдәки гарышыглығы һәлл етмәјә көмәк едәҹәк. Әсас медиа "Трамп инсан һаглары вә дин адына мүнагишәләрин әсрдән чохдур ки, давам етдији реҝионал проблемләри бир гумархана үслубу илә һәлл етди" дејә лағ едәҹәкләр. Планым һәр ики тәрәф үчүн дә игтисади еффективлији артыраҹаг, мәшғуллуг тәмин олунаҹаг, буну мәндән јахшы ким едә биләр".
Диггәт: Хәбәрдән истифадә етдикдә мәнбәјә истинад лазымдыр
