Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Вәһдәт һәфтәси илә бағлы Теһрана дәвәт олунмуш Түркијәнин Дәјанәт Ишләри Назири Мәһәммәд Ҝөрмәз Иран Ислам Республикасынын Али Дини вә һабелә Әһли Бејт (әлејһим сәлам) Маарифинин Али Мәркәзи сајылан Гум шәһәриндә бир сыра Алим вә Тәглид Мәрҹәләри илә дә, ҝөрүшүб.
Ајәтуллаһ Мәкарим Ширази илә ҝөрүш заманы Али Тәглид Мәрҹәси ИИР вә Түркијә халгларынын дини вә мәдәни ортаглыгларына тохунараг Ислам Дүнјасынын проблемләри илә мүбаризәдә ики өлкә алимләринин дүшүнҹәләрини чох јахын адландырараг дејиб: Түркијә Ислам дүнјасы вә дүнјада тәсирли рола вә узун кечмишә малик өлкәдир.
“Һазырда тәкфирчи ҹәрәјанларын тәһлүкәли инанҹлары Исламын әсасыны һәдәфә алыб вә бүтүн Ислам алимләри һәмрәјлик вә бирликлә онун көкүнү кәсмәлидирләр”- дејә Тәглид Мәрҹәси билдириб.
Даһа сонра Түркијәнин Дәјанәт Ишләри Назири Мәһәммәд Ҝөрмәз Тәглид Мәрҹәси, Фәлсәфә вә Тәфсирдә саһиб нәзәр олан Ајәтуллаһ Ҹавади Амули илә дә ҝөрүшүб.
Ајәтуллаһ Ҹавади Амули Һәзрәт Рәсуллуллаһ (с) вә Имам Садигин (ә) мөвлудуну тәбрик дејәрәк Муһәммәд Ҝөрмәзә билдириб: Ислам ҹаһил инсанлари бир - биринә гардаш етди, онларын арасында мәһәббәт вә гаршылыглы һөрмәк јаратды; һәмин Ислам динин инди бизим әлимиздәдир. Бүтүн Ислам үммәтинин алимләри Ислам дининин бу хүсусијјәтини кечмишдән даһа артыг, даһа ҝөзәл Ислам үммәтини тәгдим вә тәһвил вермәлидидрләр.
Гејд едәк ки, Түркијәнин Дәјанәт Ишләри Назири Мәһәммәд Ҝөрмәз Али Тәглид Мәрҹәләри илә, ҝөрүш кечиртмәкдән өнҹә Бејнәлхалг Әл - Мустафа (с) университетинин ректору Ајәтуллаһ Әлирыза Әрафи илә ҝөрүшүб.
Диггәт: Хәбәрдән истифадә етдикдә мәнбәјә истинад лазымдыр
