Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹанда түтүн мәмулатынын вә етил (јејинти) спиртинин вә алкоголлу ичкиләрин (шәрабын, конјакын, арағын вә сијаһысы Азәрбајҹан Республикасынын Назирләр Кабинети тәрәфиндән мүәјјән едилән диҝәр алкоголлу ичкиләрин) истеһсалы, идхалы вә сатышы лисензија тәләб олунан фәалијјәт нөвләринин сијаһысындан чыхарылыб.
Бу рәзаләт Азәрбајҹана һаким кәсилмиш әлијевләр сүлаләсинин һакими Илһам Әлијевин “Лисензијалашдырма саһәсиндә бәзи тәдбирләр һаггында” 21 декабр 2015-ҹи ил тарихли фәрманы илә тәсдиг едилән “Лисензија тәләб олунан фәалијјәт нөвләринин (дөвләт тәһлүкәсизлијиндән ирәли ҝәлән һаллар истисна олмагла) сијаһысы вә һәмин фәалијјәт нөвләринә лисензија верилмәсинә ҝөрә өдәнилән дөвләт рүсумунун мәбләғләри”ндә әксини тапыб.
Индијә гәдәр түтүн мәмулатынын, етил вә алкоголлу ичкиләрин истеһсалы, идхалы вә сатышы үчүн ајры-ајрылыгда 5500 манат дөвләт рүсуму өдәнилмәклә Кәнд Тәсәррүфаты Назирлијиндән лисензија алыныб. Һаким сүлаләнин өндәри Илһам Әлијевин “Лисензијалашдырма саһәсиндә бәзи тәдбирләр һаггында” 21 декабр 2015-ҹи ил тарихли фәрманы илә тәсдиг едилән лисензија тәләб олунан фәалијјәт нөвләринин сијаһысында исә бу фәалијјәт нөвләри әксини тапмајыб.
Гејд едәк ки, Илһам Әлијевин белә бир аддым атмасы Азәрбајҹанда кәскин сүрәтдә ҝедән баһалашмалара гаршы халгын мүмкүн олан етиразларынын гаршысыны гисмән дә олса алынмасы үчүндүр. Ахы никотин вә спиртә адәт едиб гуршанан бир халгын фикри вә зикирләри јалныз вә јалныз бәдәнләринин еһтијаҹ дујдуглары никотин вә спирт еһтијаҹларынын тәмин едилмәси олаҹагдыр...
Диггәт: Хәбәрдән истифадә етдикдә мәнбәјә истинад лазымдыр
