Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Илһам вә тәмсил етдији тајфасы христиан вә јәуди мәсләкли олдуғуну бир даһа ортаја гојду...
Белә ки, гондарма иддиалар илә, 26 Нојабр, 2015 тарихдә Нардаранда Гәтлиам төрәдәрәк Шиәләрә гаршы ҝенишмигјаслы һүҹума кечән Илһам “әми” Шиәлијин Азәрбајҹанда јајылмасынын гаршысыны алмаг үчүн конститусија ганунларына дәјишилик етди.
Дәјишиклијә әсасән, хариҹдә дини тәһсил алан Азәрбајҹан вәтәндашларынын Ислам дининә аид ајин вә мәрасимләри апармасы гадаған едиләҹәк. Буна ҝөрә “Ҹинајәт Мәҹәлләси”нә дә мүвафиг әлавә (168-1 маддә) едиләҹәк. Ислам дининә аид ајин вә мәрасимләрин хариҹдә дини тәһсил алан Азәрбајҹан Республикасынын вәтәндашы тәрәфиндән апарылмасына ҝөрә 1000 манатдан 5 мин маната гәдәр ҹәримә вә ја 1 иләдәк мүддәтдә азадлыгдан мәһруметмә ҹәзасы тәтбиг олунаҹаг.
Лакин гејд етмәлијикл ки, бу ганунсузлуг сырф Ислам вә бу дини дашыјанлара аид едилир. Буна ҝөрә дә, хариҹдә дини тәһсил алмыш шәхсләрә Азәрбајҹандакы христиан, католик килсәләриндә вә јәһуди синагогларында мәрасим апармаг гадаған едилмәјиб.
Бу барәдә стратег.аз-а Дини Гурумларла Иш үзрә Дөвләт Комитәсинин сәдр мүавини Ҝүндүз Исмајылов билдириб.
Онун сөзләринә ҝөрә, бу ҝүнләрдә “Дини етигад азадлығы һаггында” Гануна дәјишиклик хариҹи өлкәләрдә дини тәһсил алан христиан, јәһуди вә диҝәр динләрә мәнсуб олан вәтәндашлара шамил едилмәјәҹәк.
“Дини етигад азадлығы һаггында” Ганунда едилмиш сон дәјишиклијә әсасән, хариҹдә дини тәһсил алмыш Азәрбајҹан Республикасынын вәтәндашларына Ислам дининә аид ајин вә мәрасимләрин апарылмасы гадағандыр”.
Сәдр мүавинин сөзләринә ҝөрә, ганунда едилмиш дәјишиклик исә бундан әввәлки дөврә аид едилмәјәҹәк.
“Ҝөрүндүјү кими, бу мүддәа диҝәр динләрә мәнсуб дини гурумлара аид едилмир. Әввәлдә гејд етдијим кими, Ислам дини илә бағлы дин хадими һазырлајан тәһсил мүәссисәләримиз олса да, нәзәрә алмалыјыг ки, өлкәмиздә нә христианлыг, нә јәһудилик, нә дә диҝәр динләрә аид дин хадими һазырлајан тәһсил оҹағы вар”.
Диггәт: Хәбәрдән истифадә етдикдә мәнбәјә истинад лазымдыр
