Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Јәмәнин Инсан Һ аглары Комитәси бир бәјанат јајараг, Әрәбистанын өтән 8 ајда Јәмәнә олан һүҹумларында 7400 нәфәрин һәлак олдуғуну, 16 мин нәфәрин исә јараландығыны билдириб.
Јәмәнин Сәба информасија аҝентлијинин вердији мәлумата ҝөрә, Јәмәнин инсан һаглары комитәси Әрәбистанын һүҹумлары нәтиҹәсиндә өлән вә јаралананларын әсасән гадынлар вә ушаглар олдуғуну билдирәрәк, БМТ-нин Јәмәндә баш вермәкдә олан инсан фаҹиәси илә бағлы дәрһал ҹидди тәдбирләр ҝөрмәли олдуғуну билдириб.
Јәмән Пресс информасија порталы да 2 силаһлы шәхсин Ҹәнуб Мүгавимәтинин рәһбәр үзвләриндән олан Әкрәм Шәнәб-ә доғру атәш ачараг, ону гәтлә јетирдикләрини билдириб.
Әдәндә гәтлә јетирилән Әкрәм Шәнәб Ҹәнуб Мүгавимәтинин лидерләриндән вә Мәнсурә мәнтәгәсинин табелијиндә олан Нәҹва Мәкава мәнтәгәси сакини иди.
Али-Сәуд аиләсинин гаранлыг симасыны ифша етмәклә мәшғул олан Әрәбистанлы Твиттер фәалы "Мүҹтәһид" дә бир мүддәт өнҹә билдирмишди ки, Әрәбистан Әдәндә вәзијјәтин ҝәрҝин олмасына рәғмән, Јәмәнин сабиг вә фәрари президенти Әбдүррәббә Мәнсур Һадијә, Әдәнә гајытмасы вә символик шәкилдә бу шәһәри пајтахт елан едәрәк, сүрҝүндә дөвләт гурмасы үчүн тәзјигләр ҝөстәрир.
Диггәт: Хәбәрдән истифадә етдикдә мәнбәјә истинад лазымдыр
