Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн саат 09:30 радәләриндә Cenubnews.com сајтынын баш редактор әвәзи Мирәләм Һәшимова гаршы Масаллы рајон иҹра башчысы Рафил Һүсејновун иддиасы әсасында мәһкәмә иҹласы баш тутуб.
АзадХебер.аз-ын әмәкдашынын вердији мәлумата ҝөрә, просес Масаллы Рајон Мәһкәмәсиндә баш тутуб.
Иҹласда чыхыш едән Мирәләм Һәшимов она гаршы ирәли сүрүлән иттиһамлары гәбул етмәдијини вурғулајыб:
"Иттиһамда ҝөстәрилир ки, ҝуја ады чәкилән үч хәбәрдә иҹра башчысы Рафил Һүсејновун шәрәф вә ләјагәтини алчалтмышам. Амма ады чәкилән "Масаллы парк булварыны сел апарды" башлыгыјла јајымланан мәгаләдә (хәбәрдә) нәинки Рафил Һүсејнов һеч бир шәхс тәһгир олунмајыб вә иҹра башчысы сөзү кечмәјиб, "Масаллыда ағаҹлары кәсирләр" башлығы илә јајымланан хәбәрдә исә гејд етмишик ки, "Гаршы тәрәфин мөвгејини дәрҹ етмәјә һазырыг" әҝәр ағаҹларын рәһбәрлик тәрәфиндән кәсилмәси јалан идисә онлар тәкзиб олараг бизә мүраҹиәт етмәли идиләр. Бу ҝүнә гәдәр 5 ај кечиб, тәкзиб верилмәјиб. Амма мәһкәмәјә вермәјә маҹал тапыблар. "Рафил Һүсејнов: Ишыг пулуну өдәјә билмирсәнсә ҝет өзүнү өлдүр" башлығы илә јајымланан хәбәрдә биз, "Мухалифет.аз" сајтына истинад етмишик вә ејни хәбәр бир чох сајтларда да дәрҹ олунуб. Биз КИВ ганунда гануна ујғун олараг истинад етмишик вә истинад олунан хәбәрин мәсулијјәти илк јајымланан мәнбәдир. Биз истинад етмәклә мәсулијјәт дашымадығымызы ҝөстәририк. Ҝөрдүјүнүз кими, һәр үч хәбәрдә гејри-гануни иш ҝөрмәмишик."
Әмәкдашымыз билдириб ки, мәһкәмә иҹласында иҹра башчысы Рафил Һүсејнов тәрәфиндән иштирак едән шәхс иҹлас заманы фикирләрини вә иттиһамы мүдафиә етмәкдә чәтинлик чәкиб.
Һаким Немәт Мусајев нөвбәти мәһкәмә иҹласыны декабр ајынын 1-и саат 10:00-а тәјин едиб.
Хатырладаг ки, Масаллы рајон иҹра башчысы Рафил Һүсејнов иддиа әризәсиндә журналистин хәбәри тәкзиб етмәсини вә 5 мин манат тәзминат истәдијини гејд едиб.
Диггәт: Хәбәрдән истифадә етдикдә мәнбәјә истинад лазымдыр
