Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ислам Ингилабынын Бөјүк Рәһбәри Һәзрәт Ајәтуллаһүлүзма Хаменеи чәршәнбә ҝүнү Иранын университетләр, тәһсил оҹаглары вә мүәссисәләри, елм вә технолоҝија парклары вә тәдгигат мәркәзләринин рәһбәрләрини гәбул едибләр.
Ҝөрүшдә инкишаф вә игтидар васитәси олараг елмин мөвгејинә тохунан Ингилаб Рәһбәри әлавә едибләр: Университет өлкәнин ҝәләҹәк мүдирләринин тәрбијә олунмасы үзрә өнәмли мәркәздир.
Гәрблиләрин гәрб тәфәккүрү вә һәјат тәрзинә ујғун олараг университетләр васитәси илә мүдирләрин јетишдирилмәси мәгсәдилә "3-ҹү дүнја өлкәләри" үчүн програмларына тохунан Ингилаб Рәһбәри әлавә едибләр: Онлар Иранда бу планларыны иҹра етмәк истигамәтиндә тәләбәләр арасында иранлы менталитет, һәмчинин дәрин ислам вә дини тәфәккүрүнүн ҝенишләнмәси вә дәринләшмәсинә ҝөрә проблемлә үзләшдиләр.
О һәзрәт һәмчинин елмин јанлыш јолда гәрарлашмасы нәтиҹәләриндән мүстәмләкәчилик вә атом бомбасыны ики тарихи нүмунә адландырыб вә дејибләр: Радиодәрманларын истеһсалы үчүн Теһран Реакторунун јанаҹағынын тәмин олунмасы дөврү сона чатмагда иди вә гәрблиләр бу јанаҹағын тәһвил верилмәси үчүн алчалдыҹы шәртләр ирәли сүрдүләр. Лакин Иранын истедадлы вә мөмин ҝәнҹләри ҝеҹә-ҝүндүз сәјлә 20%-лик уранын истеһсал етдиләр вә өлкәнин еһтијаҹыны арадан галдырдылар.
Зәнҝинләшдирмәнин ондан да јухары 99%-ә гәдәр асанлыгла әлдә олунмасынын мүмкүнлүјүнү гејд едән Ингилаб Рәһбәри дејибләр: Нүвә мәсәләсиндә гәрблиләрин әл-ајаға дүшмәләри һәмин мәсәлә иди. Бахмајараг әҝәр онлар Теһран реакторунун јанаҹағыны заманында тәһвил версәјдиләр, биз 20%-лик зәнҝинләшдирмә ардынҹа ҝетмәздик.
Һәзрәт Ајәтуллаһүлүзма Хаменеи хатырладыблар: Бу ҝүн университет вә тәләбә ән бөјүк мәкрли планлара мәруз галыр вә өлкә дүшмәнләри ингилабчы руһијјәли тәләбәләрин сәһнәдә иштиракы, онларын гырмызы хәтләрини позмасы, елм бајрағыны јүксәлтмәси вә ингилаб шүарларыны рөвнәгли етмәләриндән горхурлар вә бу һәрәкәтлә гаршылашмаг үчүн чохлу програмлар тәнзимләјир вә ағыр хәрҹләр өдәјирләр.
Һазыркы дөврдә мүстәмләкәчилик методларынын дәјишилмәсинә тохунан Ислам Ингилабынын Бөјүк Рәһбәри әлавә едибләр: Һазыркы мүстәмләкәчиләр бир өлкәнин актив, сајыг вә зијалы дүшүнҹәсини елә бир формада дәјишмәк ардынҹадырлар ки, онларын мәгсәдләри реаллашсын.
Һәзрәт Ајәтуллаһүлүзма Хаменеи университетләр, али тәһсил оҹаглары вә елми мәркәзләрин рәһбәрләрини бу барәдә дәрин шәкилдә дүшүнмәјә чағырыб вә билдирибләр: Университетләрин бүтүн програмлары вә һәрәкәт јолу јени ислам сивилизасијасынын јарадыҹылығы истигамәтиндә олмалыдыр.
Диггәт: Хәбәрдән истифадә етдикдә мәнбәјә истинад лазымдыр
