Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 19 милјардлыг сәрвәти олан Дубај әмиринин вариси, бу јахынларда гардашы дүнјасыны дәјишән Һамдан бин Муһаммед бин Расид ел Мактоум јенидән Азәрбајҹана кејфә ҝәлиб.
Вәһһаби шаһзадәси вә онунла бирликдә ҝәләнләр Һаҹыгабул рајонунун Гарасу кәндиндә мәскән салыб.
Бу һагда мәлуматы Гарасу кәнд бәләдијјәсинин сәдри Мирәјјуб Бабајев дә тәсдигләјиб.
О, билдириб ки, Муһаммед бин Расид ел Мактоум бир һәфтә бундан өнҹә Һаҹыгабул рајонунда олуб.
“Онлар кечән ил дә кәндимизә ҝәлмишдиләр. Гонагларын сәфәрләри дөвләт сәвијјәсиндә тәшкил олунуб. Онлар өзләри илә гушлар ҝәтирибләр. Һәмин гушлары учурдулар, анҹаг ов етмирләр. Бундан әлавә шаһзадә өзү илә вәһши ҝөјәрчинләр дә ҝәтириб. Гејд едим ки, хүсуси хидмәт машынлары гонаглара кешик чәкир”.
“Әрәб гонагларын кәнд сакинләри илә мүнасибәти јахшыдыр. Кәндин ҝәнҹләри пул мүгабилиндә онларын машынларыны јујур, јемәк биширирләр”, - дејә бәләдијјә сәдри билдириб.
Гарасу кәнд Иҹра нүмајәндәси Меһман Гулијев әрәб шаһзадә илә шәхсән ҝөрүшдүјүнү дејиб.
Онун сөзләринә ҝөрә, Һаҹыгабула истираһәт етмәк үчүн ҝәлән шаһзадә ҝөзләнилмәдән бир ҝүндән сонра өлкәсинә ҝери гајыдыб.
“Мән әрәб гонаглара баш чәкдим. Онлар јарадылан шәраитдән разыдырлар. Гонаглар кәнддә өзләри үчүн алачыглар гурублар. Онларын кәнддә ики бөјүк евләри вар. Һәмчинин гонаглар үчүн контејнерләр дә гурулуб. Онлар алачыгларда телевизорлара бахырлар. Алачыглара телефон хәтләри дә чәкмишик. Интернетлә тәҹһиз олунуб. Гонаглар һәмчинин гуш учурдуб, тәлим мәшгләринә тамаша едирләр”.
М.Гулијев гардашы өлән шаһзадәнин әһвалынын јахшы олдуғуну билдириб:
“Гардашы рәһмәтә ҝедән шаһзадә дә кәндә ҝәлмишди. Мән онун вәзијјәтини сорушдум. Шаһзадә тәрҹүмәчиси Шөһрәт мүәллимә билдирди ки, инди өзүнү нормал һисс едир. О, гардаш иткисинин чох ағыр олдуғуну да сөјләди. Гарасу кәндинин ушаглары әрәбләрә көмәк едирләр. Онларын бәзиләри гуша бахыр, бәзиләри исә тәмизлик ишләри илә мәшғул олурлар”.
Сакинләрин билдирдијинә ҝөрә, шаһзадә Һаҹыгабул рајонунда һеликоптерлә ҝәлибмиш:
“Шаһзадә бир ҝүн галды, сонра нәсә олдуса ҝери гајытды. О, кәндимизин ушагларына јахынлашыб онларла сөһбәт едирди. Һазырда о, Дубајдадыр. Амма онунла ҝәлән гонаглар исә кәндимиздәдирләр”.
Гејд едәк ки, 19 милјардлыг Һамдан бин Муһаммед бин Расид ел Мактоум вә гонаглары Һаҹыгабула ҝәлмәздән өнҹә Бакыда Фаирмонт Баку, Фламе Тоwерс отелинин ән лүкс нөмрәсиндә ҝеҹәләјибләр.
Хатырладаг ки, шаһзадәнин бөјүк гардашы Рәшид бин Мәһәммәд Әл Мактоум сентјабрын 19-да өлдүрүлүб.
Диггәт: Хәбәрдән истифадә етдикдә мәнбәјә истинад лазымдыр
