Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасынын Ҝилан вилајәтинин валиси Мәһәммәд Әли Нәҹәфи билдириб: “Рәсми Теһран ИИР Астарасы илә Азәрбајҹанын дәмирјолу шәбәкәсинин бирләшдирилмәси истигамәтиндә сәјләрини давам етдирир.”
Ислам Республикасы Президентинин ҝөстәриши әсасында ҝерчәкләшдирилән Рәшт -Астара дәмирјолу лајиһәсинин тикинтисиндән данышан М. Ә. Нәҹәфи бу мәсәләдә Азәрбајҹанын өз дәмирјолуну 8 км узатмаға разылашдығыны хатырладыб.
О, һәмчинин, јахын ҝүнләрдә Иран Республикасы тәрәфиндән Азәрбајҹан илә ИИР арасында игтисади, тиҹарәт вә һуманитар саһәләрдә әмәкдашлыг үзрә Дөвләт Комиссијасынын һәмсәдри, Иран Ислам Республикасынын Рабитә вә информасија технолоҝијалары назири Маһмуд Ваезинин Азәрбајҹана сәфәринин ҝөзләнилдијини билдириб. Сәфәрин мәгсәди ИИР Астрасы илә Азәрбајҹан дәмирјолу шәбәкәсини бирләшдирилмәси илә бағлы мүзакирәләр апармагдыр.
М.Ә. Нәҹәфи Астара шәһәриндә ҝөмрүк хидмәти, дәниз лиманы вә хүсуси игтисади зонанын јарадылмасы истигамәтиндә ишләрин давам етдирилдијини дә гејд едиб. Онун сөзләринә ҝөрә, Ислам һакимијјәтинин сијасәти мүхтәлиф реҝионларын потенсиалларыны нәзәрә алараг һәртәрәфли инкишафын тәмин едилмәсинә јөнәлиб.
Диггәт: Хәбәрдән истифадә етдикдә мәнбәјә истинад лазымдыр
