Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Русија Федерал Тәһлүкәсизлик Хидмәтинин (ФТХ) Краснојарск реҝионал идарәсинин әмәкдашлары сәләфи екстремистини сахлајыблар.
Русијанын "Јенисеј ТВ” телеканалы хәбәр верир ки, 19 јашлы азәрбајҹанлы сосиал шәбәкәләр васитәсилә иҹтимаи гајдада терроризми дәстәкләјиб.
Истинтаг-ахтарыш тәдбирләри нәтиҹәсиндә мәлум олуб ки, о, өтән илин октјабр-декабр ајларында сосиал шәбәкәдәки сәһифәсиндә ачыг шәкилдә инсанларын едам олунмасы видеоҝөрүнтүләрини пајлашыб.
Видеоҝөрүнтүләр пајлашмагла јанашы о, инсанларын гәтлә јетирилмәси вә террор актларынын төрәдилмәсинә даир чағырышлар, шәрһләр дә јазыб. Сахланылан азәрбајҹанлыја гаршы ики ҹинајәт иши галдырылыб.
Мәлуматда һәмчинин билдирилир ки, о, ҝүнаһыны етираф едир, актив шәкилдә истинтага јардым едир.
Диггәт: Хәбәрдән истифадә етдикдә мәнбәјә истинад лазымдыр
