Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Фәләстин торпагларыны ишғал етмиш вә Гүдсдә ганунсуз Ҹүһүд дөвләтин елан етмиш гејрилегал сионист режимин баш назири Бенјамин Нетанјаһо Москвада Русија Президенти Владимир Путин илә ҝөрүшәрәк Јахын Шәргдә ИИР, Сурија, Ираг вә Һизбуллаһын дағыдылмасынын ҝәрәклији, ејни заманда да, “Исраилин” тәһлүкәсизлијини там тәмин едән “ИШИД” вә диҝәр сәләфи террор групларынын сүгутунун гаршысыны алмаг һагда данышыглар апарыб.
Ҝөрүш заманы В. Путин билдириб ки, мәним фикримҹә Суријаја “Ираиллә” һәрби мүнагишәјә ҝирмәк ҝәрәк дејилдир. Инди Дәмәшг үчүн әсас мәсәлә өз дөвләтинин горунмасы мәсәләси һәр шејдән чох әһәмијјәт дашыјыр. Ејни заманда, Путин сионист режим рәһбәринин нараһатлығын баша дүшдүјүнү дә әмин едиб.
Путин һәмчинин Б. Нетанјаһоја Русијанын Јахын Шәргдә апардығы сијасәтә ҝөрә, һәмишә мәсулијјәт дашыдығыны әмин етдикдән сонра билдириб: “Исраил дөвләтиндә кечмиш ССРИ өлкәләриндән ҝәлән көчкүнләр јашајыр. Бу да бизим дөвләтләр арасындакы әлагәләримизә хүсуси тәсир гојур. Буна ҝөрә дә, Русјанын Јахын Шәргдә апардығы бүтүн сијасәтләринә там әмин ола биләрсиз.”
Ганичән Нетанјаһу хүсусилә сон ајларда вәзијјәтин писләшдијини гејд едәрәк билдириб: “Билдијиниз кими Иран вә Сурија өлкәмизә гаршы јөнәлмиш (админ: Нәзрәдә Ливан Һизбуллаһы, Һамас, Ислами Ҹиһад тәшкилатлары тутулур) радикал Исламчы террор групларыны (!) там мүасир силаһлар илә тәҹһиз едирләр. Белә ки, сон илләр Исраил вәтәндашларына (!) гаршы минләрләр ракет истифадә олунуб.”
Диггәт: Хәбәрдән истифадә етдикдә мәнбәјә истинад лазымдыр
