Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 16 бејнәлхалг һүгуг мүдафиә тәшкилаты Азәрбајҹанда Мејдан ТВ-нин журналистләринин һүгугларынын мүдафиәсинә галхды.
Норвеч Һелсинки Комитәси, PEN Америка Мәркәзи, АRTİCLЕ 19, "İndex оn Cеnsоrsһip", "Бејнәлхалг Медиа Дәстәји", "Pеоplе in Nееd" вә с. тәшкилатларын имза атдығы бәјанатда Мејдан ТВ-нин әмәкдашы Ширин Аббасовун сахланмасы, диҝәр әмәкдашлара тәзјигләр писләнир.
"Бејнәлхалг Медиа Дәстәји" Тәшкилатынын иҹрачы директору Жеспер Һөжберҝ-ин фикринҹә, Ширин Аббасовун һәбси ҝөстәрир ки, Азәрбајҹан һакимијјәтинин мүстәгил медиадан әл чәкмәк фикри јохдур. Онун дедијинә ҝөрә, һөкумәт тәнгидләри, аз сајда галан медианы да боғмагла Азәрбајҹанда јахынлашан парламент сечкиләринин ишыгландырылмасынын гаршысыны алмаг истәјир.
Ширин Аббасов сентјабрын 16-да јоха чыхыб, бир ҝүн сонра онун ДИН-нин Баш Мүтәшәккил Ҹинајәткарлыгла Мүбаризә Идарәсиндә сахландығы мәлум олуб. Анасына Идарәдән билдирибләр ки, Ширин Аббасов полисә мүгавимәтдә тәгсирләндирилир вә она бир ајлыг инзибаты һәбс ҹәзасы кәсилиб.
Сентјабрын 16-да Мејдан ТВ-нин ики ханым әмәкдашы да ДИН-нин Баш Мүтәшәккил Ҹинајәткарлыгла Мүбаризә Идарәсиндә диндирилиб. Онлардан Мејдан ТВ-дәки фәалијјәтләри, ТВ-нин рәһбәри, еләҹә дә Минҝәчевир һадисәләри заманы полис бөлмәсиндә өлмүш Бәһруз Һаҹыјевин моргдакы видеосуну кимин вә неҹә чәкмәси, мүхбирләрин нә гәдәр мааш алмасы һагда сорушублар.
Диггәт: Хәбәрдән истифадә етдикдә мәнбәјә истинад лазымдыр
