Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ирагын Мүдафиә Назирлиjи бу өлкәнин Сәлаһәддин вилаjәтиндә jерләшән Самирра шәһәринин гәрбиндәки бир кәндин азад едилмәсиндән хәбәр вериб.
Әрәбҹә Скаj Нjус телеканалынын мәлуматына ҝөрә, Ирагын Мүдафиә Назирлиjинин сөзчүсү Јәһjа Рәсул Абдуллаһ ҹүмә ҝүнү билдириб ки, бу өлкәнин орду гүввәләри һава вә тәһлүкәсизлик гүввәләринин дәстәjи илә террорчу ИШИД групунун гүввәләрини Самирранын гәрбиндә jерләшән Буғафил кәндиндән чыхара вә бир груп террорчуну өлдүрә билибләр.
Ирагын Мүдафиә Назирлиjинин сөзчүсү әлавә едиб: Илк мәрһәләдә Буғафил кәнди тәмизләниб вә террорчуларын ики һәрби автомобили мәһв едилиб. Еләҹә дә террорчу ИШИД групунун он бешдән чох үзвү өлдүрүлүб.
Јәһjа Рәсул Абдуллаһ вурғулаjыб ки, һәрби әмәлиjjат давам едир вә орду, о сырадан һава гүввәләри бу әмәлиjjаты дәстәкләjирләр. Әслиндә дүшмән ҝери отуруб вә өз мөвгеләрини бурахыб, ҝедибдир.
Диггәт: Хәбәрдән истифадә етдикдә мәнбәjә истинад лазымдыр
