Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Јаз ајларынын ән севилән ҝиләмејвәләриндән олан гарпызын 92 фаизи су, јүздә 6 фаизи исә шәкәрдән ибарәтдир.
Ислам Пејғәмбәри һәзрәти Муһәммәд ибн Әбдуллаһ (сәлләллаһу әлејһи вә алиһ) гарпызын фајдалары һагда белә бујуруб:
• Үммәтимин јазы үзүм вә гарпуздадыр.
• Һәр һансы бир һамилә гадын гарпызы пендир илә јејәрсә өвлады хошсүрәтли вә хошәхлаглы дүнјаја ҝәләр.
• Јемәкдән өнҹә гарпузун јејилмәси инсанын дахилин тәмизләјәр вә ағрылары арадан галдырар.
• Сизи гарпуз јемәјә сифариш едирәм, чүнки онда 10 фајда вардыр: 1- Јејинти мәһсулу вә хөрәкдир. 2- (Һалал) ичкидир. 3- Дишләр үчүн дәрмандыр. 4- Ағызы хошәтирли едәндир. 5- Сидиклики јујандыр. 6- (Дахили) органлары јујур. 7- Бел сујуну (сперманы) чохалдыр. 8- Ҹинси әлагәни гүввәтләндирәндир. 9- Бәдәнин сојуглуғуну арадан галдырыр. 10- Дәрини ҝөзәлләшдирәндир.
(Биһарул Әнвар, ҹилд. 59, сәһ. 296)
Гарпыз C, А витаминләринин вә бета-каротинләрин ән јахшы мәнбәјидир. Гарпыз үрәк хәстәликләри, дөш хәрчәнҝи, ағҹијәр, простат вәзинин хәрчәнҝи вә јашла әлагәдар ҝөрмә габилијјәтинин позулмасына гаршы мүгавимәт ҝөстәрир.
Гејд едәк ки, 150 грам гарпыз ҝүндәлик Ҹ витамини еһтијаҹынын јүздә 24,3 фаизини, А витамининә олан тәләбатын 11 фаизини өдәјир.
Гарпыз ајрыҹа енержи һасилаты үчүн ваҹиб олан B, B1, B6 витаминләри, магнезиумун мигдары бахымындан да зәнҝин бир мәнбәдир. Бөјүк һиссәси судан ибарәт олдуғу үчүн аз калорили олан гарпызын 200 грамында тәхминән 50 калори вар. Бу сәбәбдән һәр калори үзрә алынан гидалы маддәләрин мигдары чохдур. Гарпызын даһа бир фајдасы исә онун јүксәк ган тәзјигини ашағы салмасыдыр.
Гарпызын хәрчәнҝдән мүдафиә хүсусијјәтләри вар. Белә ки, гарпыз тәркибиндәки хәрчәнҝдән мүдафиә едән антиоксидант олан ликопенин мигдарына ҝөрә лидердир. Бу ҝүҹлү антиоксидант организмдәки сәрбәст радикалларла мүбаризә апарараг хәрчәнҝдән мүдафиә тәсири ҝөстәрир.
Диггәт: Хәбәрдән истифадә етдикдә мәнбәјә истинад лазымдыр
