Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Товузда Неолит вә Енеолит дөврүнә аид олан “Ментеш тәпә” адланан әразидә 8 ил өнҹә башланылан ишләрә јекун вурулур. Тәдгигатларын әсас мәгсәди Күр чајынын орта ахарында гәдим јашајыш мәскәнләрини тәдгиг етмәкдир. Радио-карбон анализләринин нәтиҹәләри абидәнин бизим ерадан әввәл 6-ҹы миниллијә аид олдуғуну демәјә әсас верир.
Археолоҝија вә Етнографија Институтунун Товуз археоложи експедисијасынын Франса Милли Елми Арашдырмалар Мәркәзинин мүтәхәссисләри илә бирҝә апардығы археоложи газынтылар заманы миндән артыг гәдим әшја тапылыб ки, онлар арасында гызыл оланы да вар.
Франса експедисијасынын рәһбәри Беһтил Јуне дејиб: “Бу, Азәрбајҹанда надир абидәләрдәндир ки, бурада илкин Неолит дөврүндән башлајараг илк тунҹ дөврүнә гәдәр олан тәбәгәләр ашкар едилиб. Бу тәдгигатлар Јахын Шәргин вә бу реҝионун археоложи ҹәһәтдән бәзи гаранлыг мәгамларына ајдынлыг ҝәтирмәјә әсас верәҹәк”.
Диггәт: Хәбәрдән истифадә етдикдә мәнбәјә истинад лазымдыр
