Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹанда Шиә күтләсинә гаршы зоракылыг һаллары сәнҝимир. Белә ки, дүнән, ијунун 29-да ҹидди режимли Гобустан гапалы һәбсханасында мәһбус һәјаты јашајан Азәрбајҹан Ислам Партијасынын сәдри Мөвсүм Сәмәдов аилә үзвләри илә ҝөрүшүб.
Исламинсеси.орҝ-ун вердији мәлумата ҝөрә, доғмаларынын һаҹы илә илә ҝөрүшү чох чәтинликлә баш тутуб. Онлар саатларла сәбәбсиз јерә ҝөзләмәјә мәҹбур едилиб, евдән онун үчүн ҝәтирилән әрзаг бағламасынын гәбул едилмәси дә саатлала вахт апарыб.
Гејд едәк ки, ијунун 25-дә Мөвсүм Сәмәдовун ганунсуз олараг һәбсханадакы тәҹридханада сахланмасы мүддәти баша чатыб.
Мәтбуатда буну мүхтәлиф сәбәбләрлә изаһ едибләр. “Карс”а салынма сәбәбинә исә АИП сәдри өзү ајдынлыг ҝәтириб. Аилә үзвләринин дедијинә ҝөрә, һаҹы камера јолдашына едилән һагсызлыға вә дөзүлмәз мүнасибәтә етираз етдији үчүн сәрт шәкилдә ҹәзаландырылараг 15 ҝүнлүк “карс”а салыныб.
Мөвсүм Сәмәдовун сәһһәтинин вә мәнәви дурумунун гајдасында олдуғу вирғуланыб. АИП сәдри мүгәддәс Рамазан ајынын ҝәлиши мүнасибәтилә бүтүн Азәрбајҹан халгыны тәбрик едиб: “Мүбарәк ај халгымыза сағламлыг, бәрәкәт, азадлыг вә хош ҝүзәран ҝәтирсин. Бу хејирли ҝүнләрдә дуаларыныз гәбул олсун. Дуаларынызы әскик етмәјин”.
Диггәт: Хәбәрдән истифадә етдикдә мәнбәјә истинад лазымдыр
