Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Һөҹҹәтүл Ислам Сејјид Һәсән Хомејни Бразилија Мүсәлманларынын дәвәти илә, бу өлкәјә сәфәр едиб.
О, Сао Пауло шәһәриндәки Шиәләрин јаратдыглары Бразилија Ислам Мәркызинин инша етдији Муһәммәд Рәсулуллаһ (сәлләллаһу әлејһи вә алиһ) адына Мәсҹиддә бир груп Базилијалы Шиәләри вә бу өлкәдә јашајан Иранлылар илә, ҝөрүш кечириб.
Сејјид Һәсән Хомејни Бразилија Шиәләри үчүн чыхыш едәрәк Иран Ислам Ингилабынын әсас үч (1- дахили, 2- мәнтәгә үчүн, 3- дүнја үчүн) месажыны садалајараг билдириб: “Имам Хомејни һәзрәтләринин дүнјаја олан месажы “Зүлм етмәмәк вә Зүлмә бојун әјмәмәк” иди...”
О, даһа сонра билдириб: “Зоракылыгларын Ислам ады илә күтләви информасија вастәләриндә тәблиғ олунан буҝүнкү дүнјамызда севҝи, мәһәббәт, вә әгланијјәтлә долу олан һәгиги Дини бәшәријјәтә чатдырмагда биз Шиәләр мәсулијјәт дашыјырыг. Бу ҝүн бизим вәзифәмиз габагкындан даһа да ағырдыр, бу ҝүн биз ИШИД вә с. секталарын вәһшиликләри илә һәгиги Ислам арасында ајдын фәрглилилкләри дүнјаја чатдырмалыјыг.”
Диггәт: Хәбәрдән истифадә етдикдә мәнбәјә истинад лазымдыр
