Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Мај ајынын 29-да Ләнкәранда даһа бир гондарма һәбс акты гејдә алыныб.
Белә ки, Ләнкәран инанҹлысы Бабајев Илкин Мәммәдгулу оғлу һеч бир дәлил сүбут олмадан Ләнкәран рајон мәһкәмәсинин һакими Мүтәллим Исајев тәрәфиндән 20 ҝүнлүк һәбс едилиб.
Јахынларынын Ҹенубнеwс.ҹом редаксијасына вердији мәлумата ҝөрә, ҝуја 24.05.2015 тарихиндә рајон мәһкәмәсинин диҝәр һакими Мәммәдәли Рзајев тој карваны ҝедәркән орда бир неҹә автомобилин јол һәрәкәти гајдасыны поздуҝуну Ләнкәран Шәһәр-Рајон ДЈПХ-нин рәиси Нәсими Мәммәдова билдириб.
И.Бабајев дә ҝуја һәмән тој карванында автохулиганлыг едиб. Һәмин тој ҝөрүнтүләри дә јол боју лентә алыныб. Амма һәмән тојда И.Бабајевин автомобили илә ганун позунтусу етмәдији ачыг-ајдын ҝөрүнүр. Рајон мәһкәмә бинасына сүбут үчүн һәмән тој карванындакы видео ҝөрүнтүләри апаран И.Бабајевин јахынлары билдирирләр ки, видео јазыда Илкин Бабајевин ҝүнаһсыз олдуғу ајдын шәкилдә сүбута јетирилди. Лакин һаким бизә билдирди ки, һәбс гәрарыны дәјишә билмәрәм.
И.Бабајевин јахынлары һәмчинин гејд етдиләр ки, М.Исајевин вердији гәрар тамамилә әсассыздыр. Әсассыз олдуғу ону да ҝөстәрир ки, ДЈПХ-нин рәиси мајор Нәсими Мәммәдов орда иштирак етмәдији һалда, һеч бир шаһид олмадиғи дәлил сүбүт олмадығы һалда шәхси марагларына ҝөрә һакимлә әлбир олуб ики аз јашлы көрпәсы олан аилә башчысына ганунсуз јерә 20 ҝүн мүддәтинә һәбс ҹәзасы верирләр.
Билдирмәк истәјирик ки, гануну Илкин Бабајев јох, гануну довләтимизә, милләтимизә вә мәнафејимизә хәләл ҝәтирән мәмурлар позублар.
Гејд едәк ки, Илкин Бабајевин ганунсуз һәбсиндә ролу олан Ләнкәран рајон мәһкәмәсинин һакими вә ДЈПХ-нин рәиси барәдә јахынлары Әдлијјә Назирлијинә вә башга дөвләт гурумларына рәсми шикајәт мәктубу да үнванлајыблар.
Ону да гејд едәк ки, Ләнкәран Шәһәр-Рајон ДЈПХ-нин рәиси Нәсими Мәммәдов И.Бабајевин јахынларына билдириб ки, һара истәсәниз ҝедин шикајәт един.
Диггәт: Хәбәрдән истифадә етдикдә мәнбәјә истинад лазымдыр
