Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Јәмән гүввәләри Әсир мәнтәгәсиндә Әрәбистанын Еjнүл-Һаррә базасыны әлә кечирәрәк 50-дән чох сәудиjjәли һәрбчини өлдүрүб вә 40 нәфәри дә әсир ҝөтүрүбләр.
Јәмән мәнбәләри билдирибләр ки, бу база там шәкилдә Јәмән ордусу вә ингилаб комитәләри гүввәләринин нәзарәтиндәдир. Һәмчинин 45 әдәд танк, 55 әдәд һәрби Һуммер автомобили, бир чох һәрби сурса, еләҹә дә узаг мәнзилли 50 ракет гәнимәт олараг ҝөтүрүлүб. Башга бир мәлумата ҝөрә, Сәудиjjә Әрәбистанынын гырыҹы тәjjарәләринин Јәмән паjтахты Сәнанын шәргиндә jерләшән Нугәм мәнтәгәсинә һүҹумунда онларла jәмәнли шәһид олуб вә jараланыб. Әл-Мәсирә телеканалы да билдириб ки, Шибвә вилаjәтинин мүхтәлиф бөлҝәләринин террорчулардан тәмизләнмәсини әл-Гаидә әлеjһинә мүһарибәдә дөнүш нөгтәси һесаб етмәк олар.
Бу телеканал әлавә едиб: Јәмән ордусунун халг комитәләри гүввәләринин көмәjи илә Шибвә вилаjәтиндә әл-Сәид вә Ҹәвал әл-Мәсһә бөлҝәләрини әл-Гаидә үнсүрләриндән тәмизләнмәси бөлҝә әһалиси тәрәфиндән рәғбәтлә гаршыланыб. Јәмән ордусу бу әмәлиjjатда чохлу саjда әл-Гаидә үнсүрүнү мәһв едиб вә онларын силаһ-сурсатларыны гәнимәт ҝөтүрүб
Диггәт: Хәбәрдән истифадә етдикдә мәнбәjә истинад лазымдыр
