Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Русиjа президенти ИШИД илә мүбаризәдә Ираг дөвләтинә көмәк едәҹәjини билдириб.
Беjнәлхалг Сәһәр Каналынын Русиjа әл-Јәум информасиjа каналына истинадла вердиjи мәлумата ҝөрә, Русиjа президенти Владимир Путин бу сөзләри Москвада Ирагын баш назири Һеjдәр әл-Ибади илә ҝөрүшдә деjиб.
Бу мәлумата ҝөрә, Путин Кремл сараjында реаллашан ҝөрүшдә дүнjа игтисадиjjатында вә бөлҝәдә jашанан чәтинликләрә бахмаjараг, Русиjа вә Ираг арасында әлагәләрин кәсилмәдиjини, әксинә уғурлу бир шәкилдә давам етдиjини сөjләjиб. Ики өлкә арасында тиҹарәт һәҹминин сон 2 илдә 10 дәфә артдығыны геjд едән Путин ИШИД террор тәшкилаты илә мүбаризәдә Ирага көмәк едәҹәjини дә сөз вериб.
Һеjдәр әл-Ибади дә өз нөвбәсиндә Москва сәфәринин ики өлкә әлагәләриндә вә террорла мүбаризәдә хүсуси рол оjнаjаҹағыны деjиб.
Ҝөрүшүн сонунда Ираг вә Русиjа арасында даһа 40 һәрби вертолjотун алынмасы илә бағлы разылашма имзаланыб.
Диҝәр тәрәфдән, Русиjа Хариҹи Ишләр назири Серҝеj Лавров өлкәсинин ИШИД-лә мүбаризә үчүн Ирагы силаһландыраҹағыны ачыглаjыб.
Ирагын Баш назири Һеjдәр әл-Ибадинин Москва сәфәриндән сонра журналистләрин суалларыны ҹавабландыран Лавров һеч бир шәрт олмадан Бағдада силаһ вермәjи планлашдырдыгларыны деjиб.
Хатырладаг ки, Ирагын сифариш вердиjи 4 милjард долларлыг ракет вә дөjүш вертолjотларынын Бағдада дашынмасы давам едир. Русиjа сонунҹу дәфә Ми-28НЕ типли дөjүш вертолjотларыны Бағдада тәһвил вермишди.
Диггәт: Хәбәрдән истифадә етдикдә мәнбәjә истинад лазымдыр
23 may 2015 - 14:51
Xəbər kodu: 691591
Русиjа президенти Владимир Путин бу сөзләри Москвада Ирагын баш назири Һеjдәр әл-Ибади илә ҝөрүшдә деjиб.
