Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Теһран 2015 Отуз Икинҹи Бејнәлхалг Гурани Кәрим Мүсабигәләри Тәшкилатчылығынын Сәдри Һөҹҹәтүл Ислам Сејјид Мустәфа Һүсејни АBNА24.cом сајтынын хүсуси мүхбиринә вердији мүсаһибәсиндә билдириб: “Өтән ил кечирилән 31-ҹи Бејнәлхалг Гурани Кәрим Мүсабигәләриндә 71 өлкә нүмајәндәси иштирак етмишдир, лакин бу ил кечирилән Гуран Јарышларында исә, 85 өлкәнин 132 нүмајәндәси иштирак едиб.”
Сејјид Мустәфа Һүсејни даһа сонра билдириб: “Бу 132 нүмајәндәләрдән 61 нәфәри Гурани Кәримин бүтүн 30 ҹүзүнү һифздән билир- (Һафизи Гурани Кәрим), 71 нәфәри Гурани Кәрим Гарисидир- (гурани Мәҹиди ҝөзәл сәслә охујан). Бүтүн нүмајәндәләр ҝедән мүсабигәләрдә бир бири илә ҹидди рәгабәт апарырлар. Һәмчинин гејд етмәлијик ки, јарышмалар кәнарында “Мәрифәт Хејмәси” адлы Ислами Мәдәнијәт вә Маарифә ујғун олараг мүхтәлиф нөв сәҝиләр тәшкил олунуб. Бу сәрҝидә Гурани Мәҹидә даир мүхтәлиф елми китаблар вә һабелә екстримист ҹәрјанларын төрәтдикләри ҹинајәтләри әкс етдирән фото сәрҝиси тәшкил олунуб.”
Гејд едәк ки, Теһран 2015 Отуз Икинҹи Бејнәлхалг Гурани Кәрим Мүсабигәләри Тәшкилатчылығынын Сәдри Сејјид Мустәфа Һүсејни ҹәнабларынын билдирдијинә әсасән, “Бејнәлхалг Гуран Јарышмаларындан әлавә олара биз бу ҝүн Теһран вахты илә, 08:00-дан башлајараг 13:00 кими “Доггузунҹу Гуран Тәдгигатлары Конфрансы”нын кечирилдијинин дә шаһиди олдуг. Гурани Кәрим үзрә гадын активистләринин тәлтиф мәрасими исә, сабаһ јерли вахтла 10:00-дан 13:00-ла кими Теһранын Зирвә Салонунда кечириләҹәк.”
Диггәт: Хәбәрдән истифадә етдикдә мәнбәјә истинад лазымдыр
