Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,
Азәрбаjҹан Республикасы Сәһиjjә Назирлиjи бу ҝүн сәһәр Бакыда бир jашаjыш бинасында баш верән jанғында өләнләрин саjынын 16 нәфәр, хәсарәт аланларын саjыны исә 50 нәфәр елан едиб.
Азәрбаjҹан Республикасы Сәһиjjә Назирлиjинин мәтбуат хидмәтинин рәһбәри Лиjа Баjрамова АПА-jа билдириб ки, һадисә нәтиҹәсиндә һәлак оланлардан икиси боғулма нәтиҹәсиндә дүнjасыны дәjишиб вә азjашлы олуб.
О, геjд едиб ки, хиласедиҹи гүввәләр алты нәфәри аловлардан хилас едә билибләр, хиласетмә әмәлиjjаты давам едир. Өләнләрин вә хәсарәт аланларын саjынын бундан да jухары олмасы еһтималы вар. Бу бинада 54 мәнзил мөвҹуддур вә сакинләрин бир чоху онун ичиндә илишиб галыб.
Геjд едәк ки, бу ҝүн сәһәр Бакынын Азадлыг проспектиндә пластик өртүклү 16 мәртәбәли бир бинада jанғын баш вериб вә алов бүтүн бинаны бүрүjүб. Јанғынын сөндүрүлмәси үзрә сәjләр давам едир.
Диггәт: Хәбәрдән истифадә етдикдә мәнбәjә истинад лазымдыр
