Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, артыг 5-ҹи илдир ки, Бәһрејнә гејри гануни јолларла һаким кәсилмиш сионистјөнлү вәһһаби режими өлкә вәтәндашларынын сүлһамиз етираз аксијаларыны ганчнағына чевириб. Бу ҝүнә кими јүзләрлә ҝүнаһсыз инсанлар Хәлифә режими тәрәфиндән гәтлә јетирилиб вә јүзләрлә гадын, көрпә вә гоҹасына бахмадан Шиә вәтәндашлары сәбәсиз јерә һәбс едилиб, јүзләрлә Бәһрејн фәаллары сүбутсуз олараг вәтәндашлыгдан мәһрум олунуб, дини вә сијаси хадимләр тәгиб вә зоракылыгла үзләшәрәк зинданлара салыныб, Бәһрејн Шиәләрини ассимилијасија етмәк мәгсәди илә гоншу һәтта узаг вәһһаби өлкәләриндән миллијјәтиндән аслы олмајараг минләрлә сәләфи ҝәтиздириләрәк онлара Бәһрејн вәтандашлығы верилиб.
Хәлифә сүлаләсинин бу ҹинајәтләринә етираз әламәти олараг, Иран Ислам Республикасынын Елм шәһәри сајылан Мүгәддәс Мәсумәји Гум шәһәриндәки Бәһрејн Шиәләринә мәхсус Имам Рза (әлејһи сәлам) адына Һүсејнијјәдә азғын Хәлифә режими тәрәфиндән һәбс едилмиш 17 ҝүнаһсыз Ислам Алимләринә дәстәк үнванында “Дәмир Бармаглыглар Арасындакы Алимләр Конфранс” кечирилиб.
Гејд олунан конфрансда Бәһрејнин нуфузлу алимләриндән бири сајылан вә ејни заманда Бәһрејн Ислами Әмәл партијасынын Баш Катиб мүавини Һөҹҹәтүл Ислам вәл Мүслимин Шејх Әбдуллаһ Салиһ, Гум Елми Һөвзәсинин Мүәллимләри Иҹмасынын нүмајәндәси, һәмчинин Вәлијји Фәгиһин Експердисија Мәҹлисинин Хузестан әјаләти үзрә нүмајәндәси Ајәтуллаһ Әббас Кәби, Үмүмдүнја Әһли Бејт (әлејһим сәлам) Ассамблејасы Катибинин Мәсләһәтчиси вә ејни заманда АБНА хәбәр аҝентлијинин Иҹрачы Мүдири Һөҹҹәтүл Ислам Сејјид Һусејни Ариф ҹәнаблары чыхыш едибләр.
Диггәт: Хәбәрдән истифадә етдикдә мәнбәјә истинад лазымдыр
