Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Суријанын Ҹиср Шуғур шәһәри тәкфирчи үнсүрләрин ишғалындан азад едилмәк үзрәдир.
Мәлуматымыза ҝөрә, Ҹиср Шуғур шәһәринин магистирал јолу вә шәһәрә јахын јүксәкликләр ағыр топ атәшләринә тутулдугдан сонра Сурија Милли Ордусу шәһәрә дахил олуб.
Сурија Милли Ордусу ирәлиләјәрәк шәһәрин шәрг ҝирәҹәјиндәки Неј Шәкәри заводуну да азад едиб. Шәһәрин ҹәнуб бөлҝәсиндәки Милли Хәстәхана да Сурија Силаһлы Гүввәләрин әлиндәдир. Милли Хәстәхана уғрунда ағыр дөјүшләрин ҝетдији хәбәр верилир.
Һәрби ресурсларын билдирдији мәлуматларда, Нүсрә Ҹәбһәси адлы азғын силаһлы үнсүрләр Милли Хәстәхананы әлә кечирмәјә ҹәһдләр етсәләр дә, лакин 200 Сурија Милли Ордусунун гәһрәман әскәри тәрәфиндән горунан хәстәхана Сурија Гүввәләринин там нәзарәтиндәдир. Шәһәрин үчдә ики һиссәсиндән чоху Сурија Милли Ордусунун әлиндәдир.
Билдирәк ки, дөјүш заманы сәләфи үнсүрләри хејли сајда итки верирләр, бир чох вәһһаби мејдандан гачмаг үзрәдир, фәрар едән сәләфиләр силаһдашлары тәрәфиндән ҝүлләләнир. Хејли сајда террорчу Сурија Милли Ордусуна әсир дүшүб.
Гејд едәк ки, Ҹиср Шуғур шәһәринин там азад едилмәсинин ардынҹа Әл Сәрманијә вә Иштәбрәг шәһәрләри дә сәләфи јараглыларынын ишғалындан там азад едиләҹәкдир.
Диггәт: Хәбәрдән истифадә етдикдә мәнбәјә истинад лазымдыр
