Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ајәтуллаһ Абдуллаһ Ҹавади Амоли Ирагда елми вә зијарәт сәфәрини давам етдирәрәк, мүгәддәс Нәҹәф шәһәриндә Ајәтуллаһ Сејид Әли Систани ҹәнаблары илә ҝөрүшүбләр. Сәмими вә мәнәви атмосфердә кечән бу ҝөрүш Ислам дүнјасында мүһүм дини, мәдәни вә сосиал мәсәләләрин мүзакирәсинә һәср олунуб.
Ҝөрүшдә Ајәтуллаһ Ҹавади Амоли Ајәтуллаһ Систанинин елми вә мәнәви мөвгејини, Ислам үммәтинин вәһдәтинин горунмасында вә хүсуси илә дә Шиә иҹмаларынын һидајәт олунмасындакы мисилсиз ролуну јүксәк гијмәтләндириб. Ајәтуллаһ Систани дә бу ҝөрүшдән мәмнунлуғуну билдириб вә Ајәтуллаһ Ҹавади Амолинин елми вә тәфсир саһәсиндәки хидмәтләрини јүксәк гијмәтләндириб.
Даһа сонра Ајәтуллаһ Ҹавади Амоли өз дәјәрли тәфсиринин 80 ҹилддән ибарәт олан “Тәсним” китабынын там ҹилдини Ајәтуллаһ Систанијә тәгдим едиб вә 80-ҹи ҹилди шәхсән Зати Алиләринә тәгдим едиб. Ајәтуллаһ Систани дә бу елми әсәри хүсуси һөрмәтлә гаршылајыб вә гырх иллик сәјин нтиҹәсиндә әмәлә ҝәлән бу дәјәрли елми әсәри хүсисилә дәјәрләндирди.
Ајәтуллаһ Систани бу давамлы иши јүксәк гијмәтләндирәрәк, Тәсним тәфсирини шиәләр үчүн шәрәф һесаб едиб вә Гуранын дини елмләрдә мәркәз олдуғуну вурғулајараг билдирибләр:
“Әһли-бејтин (ә) һәдисләри Гурана тәгдим едилмәлидир вә јалныз Гурана ујғун оларса, онлара етибар вә әмәл етмәк олар.”
О, сөзүнүн давамында дүнјада Шиә Елми Һөвзәләри арасындакы бирлијә вурғулајараг билдирибләр:
“Гум Елми Һәвзәсинә бахышымыз Нәҹәф Елми Һөвзәсинә олан бахышымыздан фәргләнмир вә биз һәр ики Елми Һөвзәјә өз имканларымыз дахилиндә хидмәт едәҹәјик.”
Сејјид Систани һәзрәтләри, ҹәнаб Ҹавади Амолинин әсәрләри вә елми шәхсијјәти илә өннҹәдән таныш олдуғун тохунараг әлавә едиб:
“Сизин һаггынызда, елми әсәрләриниз һаггында чох ешитмишдик, амма ешитмәк һара, ҝөрмәк һара?”
Ајәтуллаһ Ҹавади Амоли ҝөрүшүн башга бир һиссәсиндә Ајәтуллаһ Систанинин мөвгејини јүксәк гијмәтләндирәрәк гејд едибләр:
“Сиз, Заты Алиләри Шиәләрә вә Ираг халгына меһрибан вә мәрһәмәтли ата кимисиниз. Сизин варлығыныз Ислам дүнјасы үчүн бөјүк немәтдир.”
О, һәмчинин Ирагын иҹтимаи системинин горунуб сахланмасында вә тәкфирчи һәрәкатларла гаршыдурмасында Мәрҹәијјәтин вә Мүҹтеһидләрин Һакимијјәт ролуну тарихи вә галыҹы адландырыб вә әлавә едиб:
“Нәҹәф Елми Һөвзәси истәр бирбаша, истәрсә дә долајысы илә Ислам үммәти үчүн бөјүк немәтләр мәнбәји олмушдур.”
Гејд едәк ки, ики Али Тәглид Мәрҹәси арасындакы бу ҝөрүш медиа вә Елми Һөвзәләрин даирәләри тәрәфиндән марагла гаршыланмыш вә диггәтә лајиг ҝөрүлмүш, елми конверҝенсија вә дини гурумларын бирлији истигамәтиндә мүһүм аддым кими гејд едилмишдир.
Sizin rəyiniz