Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ибранидилли “Кан” тв шәбәкәси сионист режимин Һәрби Һава Гүввәләринин тәхминән 950 пилоту вә еһтијатда олан әсҝәринин Гәзза золағында мүһарибәнин давам етдирилмәсинә гаршы олдугларыны билдирәрәк Нетанјаһу һөкумәтинә үнванланмыш мәктуб имзаладығыны ачыглајыб.
Фәләстин Информасија Мәркәзинин мәлуматына ҝөрә, онлар мәктубда һазыркы мүһарибәнин әсасән сијаси вә шәхси мараглара јөнәлдијини вә тәһлүкәсизлик мараглары илә һеч бир әлагәсинин олмадығыны вурғулајыблар.
Мәктубун бир һиссәсиндә дејилир: “Биз еһтијат гүввәләри, ҝировларын дәрһал өз евләринә гајтарылмасыны тәләб едирик; һәтта бу, мүһарибәнин дәрһал дајандырылмасына сәбәб олса белә. Мүһарибәнин давам етдирилмәси нәинки гаршыја гојулан мәгсәдләрә наил ола билмәјәҹәк, һәм дә ҝировларын, ЧАХАЛЫН-ИДФ әсҝәрләринин вә ҝүнаһсыз мүлки шәхсләрин һәлак олмасы илә нәтиҹәләнәҹәк, һәмчинин еһтијатларын түкәнмәсинә сәбәб олаҹаг”.
Мәктуб мүәллифләри һәмчинин вурғулајыблар: “Кечмишдә сүбут олундуғу кими, ҝировларын тәһлүкәсиз шәкилдә гајтарылмасынын јеҝанә јолу һәрби тәзјиг дејил, разылашмадыр. Һәрби тәзјигләр әсасән ҝировларын өлдүрүлмәсинә вә гүввәләримизин һәјатыны тәһлүкәјә атмасына ҝәтириб чыхарыр”.
Бу пилотлар даһа сонра Исраил иҹтимаијјәтини ҝениш етираз аксијасы кечирмәјә вә мүһарибәнин дајандырылмасыны вә бүтүн мәһбусларын дәрһал ҝери гајтарылмасыны тәләб етмәк үчүн бүтүн васитәләрдән истифадә етмәјә чағырыблар.
Онлар хәбәрдарлыг едибләр: “Һәр өтән ҝүн ҝировларын һәјаты даһа чох риск алтында олур вә һәр бир шүбһә аны Исраил үчүн утанҹ ләкәсидир”.
Бу мәктуб ушаг гатили, фашист Исраил режиминин Һәрби Һава Гүввәләринин команданы ҝенерал Томер Барын сәрт реаксијасы илә гаршыланыб. О, бу мәктубу имзалајанларын артыг еһтијат һиссәләрдә хидмәтини давам етдирмәсинә иҹазә верилмәјәҹәји илә һәдәләјиб; Бахмајараг ки, бу мәктубда һәрби хидмәтдән јајынма тәһлүкәси јохдур.
Sizin rəyiniz